இதனைச் சாதகமாக பயன்படுத்திக் கொண்டு மோசடி கும்பல் ஓன்று குழந்தைகள் ஆபாச வீடியோவை பார்ப்பதாகவும், அவற்றை வைத்திருப்பதாகவும், கூறி உங்கள் கணினியின் ஐ.பி முகவரி மத்திய தொலைத்தொடர்பு அமைச்சகத்தின் விசாரணை பட்டியலில் உள்ளதாக தெரிவித்து நோட்டீஸ் அனுப்பி மோசடி செய்து வருவது தெரியவந்துள்ளது.
அதில் நோட்டீஸ் அனுப்பிய 24 மணி நேரத்தில் பதில் அளிக்க வேண்டும் என்று எச்சரிக்கும் வகையிலும், உடனடியாக தொடர்புகொள்ளா விட்டால் அருகில் உள்ள காவல் நிலையத்தில் வழக்குப் பதிவு செய்யப்பட்டு நடவடிக்கை மேற்கொள்ளப்படும் என்று குறிப்பிடப்பட்டுள்ளது.
இந்த போலியான நோட்டீஸை மெயில் மூலமாக அனுப்பி பணம் பறித்து மோசடியில் ஈடுபடுவது தெரிய வந்துள்ளது. அவ்வாறு தொடர்பு கொண்டு மிரட்டி பணம் பறிக்கும் செயலில் ஈடுபடும் கும்பலிடம் பொதுமக்கள் எச்சரிக்கையாக இருக்க வேண்டும் என சென்னை போலீஸார் எச்சரித்துள்ளனர்.
