இந்நிலையில் விக்ரம் லேண்டர் நிலவில் தரையிறங்கிய சில நிமிடங்களில் பெங்களூருவில் உள்ள இஸ்ரோ தரை கட்டுப்பாட்டு மையத்துடனான தொலை தொடர்பு இணைக்கப்பட்டது. இதையடுத்து விக்ரம் லேண்டர் நிலவில் தரையிறங்கும் போது எடுத்த புகைப்படங்களை இஸ்ரோ கட்டுபாட்டு மையத்திற்கு அனுப்பியது.
அதனை தொடர்ந்து நிலவில் தரையிறங்கிய பிறகு எடுத்த புகைப்படத்தை அனுப்பியது விக்ரம் லேண்டர். அந்த போட்டோவை இஸ்ரோ வெளியிட்டுள்ளது. அதில் நிலவின் சமதள பகுதியில் தரையிறங்கி உள்ள விக்ரம் லேண்டரின் கால் நிழல் இடம்பெற்றுள்ளது. விக்ரம் லேண்டர் தரையிறங்கிய பிறகு அனுப்பிய போட்டோவில் பெரிதாக எந்த புழுதியும் தெரியவில்லை.
நிலவில் உள்ள சிறுசிறு மேடு பள்ளங்கள் இருப்பது தெளிவாக தெரிகிறது. விக்ரம் லேண்டர் அனுப்பிய இந்த புதிய புகைப்படத்தை நெட்டிசன்கள் வைரலாக்கி வருகின்றன. விக்ரம் லேண்டரின் செயல்பாடுகள் திருப்தி அளிக்கும் வகையில் உள்ளதாக இஸ்ரோ தெரிவித்துள்ளது.
இதனை தொடர்ந்து விக்ரம் லேண்டரில் இருந்து ரோவர் இன்னும் சற்று நேரத்தில் வெளியேற உள்ளது. ரோவர் வெளியேறிய பிறகும் விக்ரம் லேண்டர் ரோவருடன் கூடிய புகைப்படங்களை வெளியிடும். விக்ரம் லேண்டரை இஸ்ரோ விஞ்ஞானிகள் தொடர்ந்து தீவிரமாக கண்காணித்து வருகின்றனர்.
