பாஜக குற்றச்சாட்டுகள்
பாஜகவினர், இது முழுக்க முழுக்க ஆட்சியில் இருக்கும் மம்தா பானர்ஜியின் திரிணாமுல் காங்கிரஸ் (TMC) கட்சியின் தூண்டுதலின் பேரிலேயே இந்தத் தாக்குதல் நடந்துள்ளதாகக் குற்றம் சாட்டுகின்றனர்.
தாக்குதலுக்குப் பிறகு பேசிய காகன் முர்மு, “திரிணாமுல் காங்கிரஸ் குண்டர்கள்தான் இந்தத் தாக்குதலை நடத்தியுள்ளனர். காவல்துறை கண் முன்னாலேயே இந்த வன்முறை அரங்கேறியது. இது ஜனநாயகத்தின் மீதான ஒரு கொடூரமான தாக்குதல்,” என்று ஆவேசமாகப் பேசியிருக்கிறார்.
திரிணாமுல் காங்கிரஸ் குற்றச்சாட்டுகள்
ஆனால், பாஜகவின் இந்தக் குற்றச்சாட்டை திரிணாமுல் காங்கிரஸ் கட்சி திட்டவட்டமாக மறுத்துள்ளது. “இந்தத் தாக்குதலுக்கும் எங்களுக்கும் எந்த சம்பந்தமும் இல்லை. இது பாஜகவின் உட்கட்சிப் பூசல் அல்லது உள்ளூர் மக்களின் கோபத்தின் வெளிப்பாடாக இருக்கலாம்,” என திரிணாமுல் காங்கிரஸ் தரப்பில் விளக்கம் அளிக்கப்பட்டுள்ளது.
மேலும், வெள்ள பாதிப்பின்போதும், வேறு பல தொகுதி பிரச்னையின்போதும் எம்.பி காகன் முர்மு தனது தொகுதி பக்கமே வரவில்லை என்றும் எம்.பியான பின்பு தொகுதியை கண்டுகொள்ளததால் அப்பகுதி மக்கள் கோபத்தில் இதைச் செய்திருக்கலாம் என்றும் கூறி வருகின்றனர். காவல்துறை வழக்குப் பதிவு செய்து இதன் பின்னணி குறித்தும், தாக்குதலில் ஈடுபட்டவர்கள் குறித்தும் விசாரணை நடத்தி வருகிறது.
