ஸ்ரீராம் பைனான்ஸ் நிறுவனம் வணிக வாகன கடன்கள், இரு சக்கர வாகனக் கடன்கள், கார் கடன்கள், வீட்டுக் கடன்கள், தங்கக் கடன்கள், தனிநபர் மற்றும் சிறு வணிகக் கடன்களை அளிக்கம் நாட்டின் மிகப்பெரிய ரீடைல் NBFC அமைப்பாக உள்ளது. 48 வருட பழமையான ஸ்ரீராம் குழுமத்தின், ஸ்ரீராம் பைனான்ஸ் ஒரு பகுதியாக உள்ளது. இந்த நிலையில் ஸ்ரீராம் பைனான்ஸ் Unnati Deposits என்ற திட்டத்தின் கீழ் இந்திய மக்களுக்கு வைப்பு நிதிக்கு 11 சதவீதம் வரையிலான வட்டி வருமானத்தை அளிக்கிறது.
இந்திய மக்கள் மிகவும் பாதுகாப்பான முதலீடாக நம்பும் முதலீட்டு திட்டங்களில் முக்கியமானது பிக்சட் டெபாசிட், அதிலும் குறிப்பாக மூத்த குடிமக்களுக்கு. இந்தியாவின் பணவீக்கத்தை கட்டுப்படுத்த பென்ச்மார்க் வட்டி விகிதமான ரெப்போ விகிதத்தை அதிகரித்துள்ளதால் வங்கி மற்றும் நிதி நிறுவனங்களில் வைப்பு நிதிக்கான வட்டி விகிதமும் அதிகரித்துள்ளது.
ஸ்ரீராம் பைனான்ஸ் நிறுவனம் தனது ஜூப்லி டெபாசிட் திட்டத்தின் கீழ் புதிய Unnati Deposits திட்டத்தை அறிவித்துள்ளது. இப்புதிய திட்டம் இந்நிறுவனத்தில் புதிய மற்றும் ரினீவ் செய்யப்படும் பிக்சட் டெபாசிட்களுக்கு மட்டுமே பொருந்தும். 60 மாதம் முதிர்வு காலம் கொண்ட இந்த சிறப்பு டெபாசிட் திட்டம் மிகவும் குறைந்த காலக்கட்டத்திற்கு மட்டுமே இருக்கும். குறிப்பாக பெண் மூத்த குடிமக்கள் அதிகப்படியாக வருடத்திற்கு 10.99 சதவீதம் வரையிலான வட்டி வருமானத்தை பெற முடியும்.
60 மாதம் முதிர்வு காலம் கொண்ட ஸ்ரீராம் பைனான்ஸ் Unnati Deposits திட்டத்தில் டெபாசிட் செய்பவர்களுக்கு 2 விதமாக வட்டி வருமானம் அளிக்கப்பட உள்ளது. Non-Cumulative Deposits அதாவது டெபாசிட் தொகைக்கான வைப்பு தொகையை மாதம், காலாண்டு, அரையாண்டு, வருடாந்திர முடிவில் பெற்றுக்கொள்வது. மற்றொன்று Cumulative Deposits அதாவது வட்டிதொகையை மறுமுதலீடு செய்து முதிர்வு காலத்தின் முடிவில் பெறுவது.
இவ்விரண்டுக்கும் வட்டி விகிதம் மாறுபடுகிறது. உதாரணமாக 25 வயதான ராகுல் என்பவர் ஸ்ரீராம் பைனான்ஸ் Unnati Deposits திட்டத்தில் 50 மாதம் முதிர்வு காலம் உடன் 5000 ரூபாய் முதலீடு செய்கிறார் என வைத்துக்கொள்வோம். மாதந்தோறும் வட்டி பெறும் Non-Cumulative Deposit-க்கு 8 சதவீதம் மட்டுமே வட்டி, இதுவே Cumulative Deposits-க்கு 9.7 சதவீதம் வட்டி. முதிர்வு காலம் முடியும் போது 7,025 ரூபாய் கிடைக்கும்.
இதுவே பெண்கள் என்றால் 0.10 சதவீதம் கூடுதலான வட்டி வருமானம் அளிக்கப்படுகிறது, மூத்த குடிமக்களுக்கு 0.50 சதவீகம் கூடுதலான வட்டி வருமானம் அளிக்கப்படுகிறது, பெண் மூத்த குடிமக்களுக்கு 0.60 சதவீதம் வட்டி கூடுதலாக கிடைக்கும். இதேபோல் பெண் மூத்த குடிமக்களுக்கு மாதந்தோறும் வட்டி பெறும் Non-Cumulative Deposit-க்கு 9 சதவீதம் வட்டி, இதுவே Cumulative Deposits-க்கு 11 சதவீதம் வட்டி. முதிர்வு காலம் முடியும் போது 5000 ரூபாய் டெபாசிட் தொகைக்கு 7,200 ரூபாய் கிடைக்கும்.
பிக்சட் டெபாசிட்-க்கு 12% வட்டி.. வங்கிகளுக்கு ஷாக் கொடுத்த MobiKwik..!
ஸ்ரீராம் பைனான்ஸ் Unnati Deposit திட்டத்தில் ஆப்லைன், ஆன்லைன் வாயிலாக முதலீடு செய்யலாம். ஆன்லைனில் முதலீடு செய்ய வேண்டுமெனில் இந்நிறுவன தளத்தில் மொபைல் நம்பர் கொண்டு ரிஜிஸ்டர் செய்யது, பான் மற்றும் முதலீட்டு விபரங்களை சமர்ப்பிக்க வேண்டும், முதலீடு காலம், KYC, வங்கி விபரம் ஆகியவை கொடுத்து பேமெண்ட் செய்துவிட்டால், அடுத்த சில நொடியில் டெபாசிட் ரெசிப்ட் கிடைக்கும்.
