மகாராஷ்டிராவில் முன்னாள் துணை முதல்வர் அஜித் பவார் தொடர்ந்து சரத் பவாருக்கு தலைவலியாக இருந்து வருகிறார். தேசியவாத காங்கிரஸ் கட்சியில் அஜித் பவாருக்கு முக்கிய பொறுப்பு கொடுக்கப்பட்டுள்ளது. அதாவது தேசியவாத காங்கிரஸ் வெற்றி பெற்றால் முதல்வர் பதவி அஜித் பவாருக்கு வழங்கப்படும் என்று உத்தரவாதம் கொடுக்கப்பட்டுள்ளது. அதோடு மாநில எதிர்க்கட்சி தலைவர் பதவியும் அஜித்பவாருக்கு கொடுக்கப்பட்டுள்ளது. ஆனாலும் அடிக்கடி சரத் பவாருக்கு குடைச்சல் கொடுத்துக்கொண்டே இருக்கிறார். கடந்த மாதம் அஜித் பவார் தனது ஆதரவு எம்.எல்.ஏ.க்களுடன் பா.ஜ.க.வில் சேரப்போவதாக செய்தி வெளியானது. இதையடுத்து சரத் பவார் கட்சி தலைவர் பதவியை ராஜினாமா செய்யப்போகிறேன் என்று கூறி, அஜித் பவாரை பா.ஜ.க.பக்கம் போகவிடாமல் தடுத்துவிட்டார்.
ஆனால் ராஜினாமாவை சரத் பவார் திரும்ப பெற்ற கையோடு தனது மகள் சுப்ரியா சுலேவுக்கு கட்சியில் செயல் தலைவர் பதவியை கொடுத்து இருக்கிறார். இது அஜித் பவாருக்கு கடும் அதிர்ச்சியை கொடுத்து இருக்கிறது. சரத் பவாரின் சகோதரர் மகனான அஜித் பவார் தற்போது மீண்டும் கட்சி தலைமை அதிர்ச்சியடையும் வகையில் ஒரு அறிவிப்பை வெளியிட்டு இருக்கிறார். கட்சியின் 24-வது தொடக்க நாள் விழா நடைபெற்றது.
