வேடசந்தூர்: அமைச்சர் செந்தில் பாலாஜிக்கு நெருக்கமான வேடசந்தூர் திமுக ஒன்றியச் செயலாளர் வீடுகளில் அமலாக்கத் துறையினர் சோதனை மேற்கொண்டனர்.
திண்டுக்கல் மாவட்டம் வேடசந்தூர் திமுக (தெற்கு) ஒன்றியச் செயலாளராக இருப்பவர் வீரா.சாமிநாதன். கல்வி நிறுவனம் நடத்தி வருகிறார். இவரது வீடு வேடசந்தூர் கொங்கு நகரில் உள்ளது. நேற்று மாலை வேடசந்தூர் வந்த அமலாக்கத் துறை அதிகாரிகள் 5 பேர், சாமிநாதனின் வீட்டில் சோதனை செய்தனர். வேடசந்தூர் அருகே தமுத்துப்பட்டி கிராமம் அருகே உள்ள தோட்டத்து வீட்டில் 2 அதிகாரிகள் சோதனை நடத்தினர். அப்போது, சாமிநாதன் சென்னையில் இருந்தார். வீட்டில் அவரது தாய் மட்டுமே இருந்தார். நேற்று மாலை தொடங்கி இரவு வரை சோதனை நீடித்தது.
மதுபானக் கூடங்கள் நடத்துவதற்கான அனுமதி வழங்க பணம் வசூலித்து தந்ததாக சாமிநாதன் மீது புகார் எழுந்த நிலையில், இந்த சோதனை நடந்துள்ளது.
பத்து ரூபாய் பாலாஜியின் உறவினர் வீட்டில் அமுலாக்கத்துறை ரெய்டு நடத்துவது வரவேற்க வேண்டியது இவருக்கும் செந்தில் பாலாஜிக்கும் தொடர்பே இல்லையா செந்தில் பாலாஜியின் மூலம் இவர் பையன் அடையவில்லையா