மேலும், “கடந்த இரண்டு ஆண்டுகளாக அரவிந்த் கெஜ்ரிவாலின் இமேஜைக் கெடுக்கும் வகையில் பல கற்களை எறிந்தது பாஜக. அவரை 6 மாதம் சிறையில் கூட அடைத்தது. நீதிமன்றமே ஏஜென்சி தவறான நோக்கத்துடன் அவரைக் கைது செய்திருப்பதாகத் தெரிவித்தது.” என்று பேசினார்.
சுஷ்மா சுவராஜ் மற்றும் ஷீலா தீட்சித்தைத் தொடர்ந்து 43 வயதான அதிஷி டெல்லியின் 3-வது பெண் முதலமைச்சராகப் பதவியேற்றுள்ளார்.
ஊழல் வழக்கில் திகார் சிறையில் அடைக்கப்பட்டிருந்த கெஜ்ரிவால், ஜாமின் கிடைத்த பிறகு, கடந்த செப்டம்பர் 17ம் தேதி முதல்வர் பதவியை ராஜினாமா செய்தார்.
தேர்தலில் மக்கள் தீர்ப்பளித்து வென்ற பின்னரே முதல்வராகப் பதவியேற்பேன் என சூளுரைத்துள்ளார்.
அதனால் பிப்ரவரி மாதம் தேர்தல் வரும் வரை இடைக்கால முதல்வராகப் பொறுப்பேற்றுள்ளார் அதிஷி.
