மத்திய அரசின் `தகவல் தொழில்நுட்ப சட்ட திருத்தம்’ ரத்து செய்த மும்பை உயர்நீதிமன்றம்! | Repeal of amendment restricting social media against government

நீலா கோக்லே மத்திய அரசின் சட்டத்திருத்தத்திற்கு ஆதரவாகவும், கெளதம் பட்டேல் எதிராகவும் தீர்ப்பளித்திருந்தனர். இதையடுத்து இவ்வழக்கு மூன்றாவது நீதிபதியின் முடிவுக்கு வந்தது. டைபிரேக் முறையில் வந்த வழக்கு நீதிபதி அதுல் சந்துர்கர் முன்பு விசாரிக்கப்பட்டு வந்தது. இதில் தீர்ப்பு வழங்கிய நீதிபதி சந்துர்கர், மத்திய அரசு கொண்டு வந்த சட்டத்திருத்தத்தை ரத்து செய்து உத்தரவிட்டார்.

மத்திய அரசு கொண்டு வந்துள்ள சட்டத்திருத்தத்தின் படி சோசியல் மீடியாவில் வரும் பதிவுகள் உண்மையானதா அல்லது போலியானதா என்பதையும், அதனை யார் அனுப்பியது என்பதையும் கண்டறிய சோதனை மையங்களை அமைக்க முடியும். இதற்கு தடை விதிக்கும் விதமாக மும்பை உயர்நீதிமன்றத்தின் தீர்ப்பு அமைந்துள்ளது.

மத்திய அரசு கொண்டு வந்துள்ள சட்டத்திருத்தம் அரசியலமைப்புக்கு எதிரானது, பேச்சு சுதந்திரம் மற்றும் சமத்துவதற்கு எதிரானது என்று நீதிபதி தனது தீர்ப்பில் தெரிவித்துள்ளார். சட்டப்பிரிவு 14 (சம உரிமை), 19 (பேச்சு சுதந்திரம்), 19(1) (g) தொழில் உரிமை சட்ட விதிகளை மீறியதாகும். இச்சட்டத்திருத்தம் தெளிவற்றதாகவும், தவறாகவும், எந்த வித வரைமுறையும் இல்லாமல் இருப்பதாக நீதிபதி தெரிவித்தார்.