இந்தியாவின் தேசப் பிதா என்றழைக்கப்படும் மகாத்மா காந்தியின் பிறந்த நாளான அக்டோபர் 2, நாடு முழுவதும் நேற்று காந்தி ஜெயந்தியாக கொண்டாடப்பட்டது. இந்தியாவின் சுதந்திரத்தில் காந்தியின் பங்களிப்பை பலரும் நினைவுகூர்ந்தனர். அந்த வரிசையில் தமிழ்நாடு ஆளுநர் ஆர்.என்.ரவி, சுதந்திரம் குறித்து காந்தி சொன்ன செய்தியை நினைவு கூர்ந்திருக்கிறார்.
காந்தி மண்டபத்தில் நேற்று நடைபெற்ற காந்தி ஜெயந்தி நிகழ்ச்சியில் ஆளுநர் ஆர்.என்.ரவி பேசுகையில், “மகாத்மா காந்தி ஒரு வலுவான செய்தியைக் கூறியிருக்கிறார். அந்தச் செய்தி, `கடைசி மனிதனையும் நினை”. 1947, ஆகஸ்ட் 15-ல் ஒட்டுமொத்த நாடும் சுதந்திரத்தைக் கொண்டாடிக் கொண்டிருந்த நேரத்தில் காந்தி, கழிவறைகளை சுத்தம் செய்பவர்கள், ஹரிஜன், தலித் வசிக்கும் காலனியில் இருந்தார். நீங்கள் ஏன் சுதந்திரத்தைக் கொண்டாடவில்லை என அவரிடம் பலர் கேட்டனர்.
