இந்த நிலையில் திருமால் கிராமத்தைச் சேர்ந்த ஆயிரத்துக்கும் மேற்பட்ட மக்கள் ரேஷன் அட்டைகளை கலெக்டரிடம் ஒப்படைக்கும் போராட்டத்தை மதுரையில் நேற்று நடத்தினார்கள்.
இந்தப் போராட்டத்துக்கு ஆர்.பி.உதயகுமார் தலைமையில் வாகனங்களில் வந்தவர்களை கலெக்டர் அலுவலக சாலையில் காவல்துறையினர் அனுமதிக்காத நிலையில், திருவள்ளுவர் சிலை அருகிலிருந்து கோஷம் எழுப்பியபடி ஊர்வலமாக வந்தனர்.
கலெக்டர் அலுவலக வளாகத்துக்குள் அனுமதிக்க காவல்துறையினர் மறுத்ததால் கொளுத்தும் வெயிலில் சாலையில் அமர்ந்து போராட்டத்தில் ஈடுபட்டனர். அப்போது ஆர்.பி.உதயகுமாருக்கும் காவல்துறையினருக்கும் வாக்குவாதம் ஏற்பட்டது.
இதனைத் தொடர்ந்து மாவட்ட வருவாய் அலுவலரும் காவல்துறையினரும் ஆர்.பி உதயகுமாரிடம் பேச்சுவார்த்தையில் ஈடுபட்டனர்.
பின்பு அனைவரையும் கைது செய்து தனியார் மண்டபத்திற்குக் கொண்டு சென்றனர். போராட்டத்தின்போது நான்கு பெண்கள் மயக்கமடைந்ததாகச் சொல்லப்பட்டது பரபரப்பை ஏற்படுத்தியது.
