அணு ஆயுதம் கொண்ட பாகிஸ்தான் மற்றும் அண்டை நாடான ஈரான் ஆகிய இரண்டும் அவற்றின் மக்கள்தொகை குறைந்த எல்லைப் பகுதிகளில் கிளர்ச்சிகளை எதிர்த்துப் பல ஆண்டுகளாக போராடி வருகின்றன.
பலுசிஸ்தானில் ஈரானிய ஏவுகணை மற்றும் ட்ரோன் தாக்குதல்களை அடுத்து தெஹ்ரானில் இருந்து இஸ்லாமாபாத் தனது தூதரை திரும்பப் பெற்ற ஒரு நாளுக்குப் பிறகு, ஜனவரி 18 அன்று பாகிஸ்தான் “துல்லியமான இராணுவத் தாக்குதல்களை” நடத்தி ஒன்பது பேரைக் கொன்றுள்ளது.
ஈரானின் தாக்குதல் மற்றும் பாக்கிஸ்தானின் பதிலடி தாக்குதல்கள் கொந்தளிப்பான இவற்றின் எல்லை பகுதிகளில் பதட்டங்களை எழுப்பியுள்ளன.
ஏற்கனவே காசா பகுதியில் ஹமாஸ் மீதான இஸ்ரேலின் போர் மற்றும் யேமனின் ஹூதிகளால் செங்கடலில் வணிகக் கப்பல்களை தாக்கியதால் நடந்து வரும் பிரச்சனைகள் ஆகியவற்றால் இந்த பகுதிகள் சசலப்பாக இருந்தது குறிப்பிடத்தக்கது.
முன்னதாக, பாகிஸ்தான் ஈரானுக்கான தனது தூதரை திரும்பப் பெற்றது மற்றும் அனைத்து உயர்மட்ட இருதரப்பு விஜயங்களையும் தற்காலிகமாக நிறுத்தியது.
தெஹ்ரான் முன்னறிவிப்பில்லாத வகையில் ஏவுகணை மற்றும் ட்ரோன் தாக்குதல்களை நடத்திய சில மணிநேரங்களுக்குப் பிறகு பலுசிஸ்தான் மாகாணத்தில் ஒரு பயங்கரவாத குழுவின் தளங்களை நோக்கி பாகிஸ்தான் தாக்கியுள்ளது குறிப்பிடத்தக்கது.
பாகிஸ்தான் தற்போது விடுத்துள்ள அறிக்கையில் ….
பாக்கிஸ்தானின் இராணுவம் “மிகவும்” அதிக எச்சரிக்கையுடன் உள்ளது, மேலும் ஈரானிய தரப்பில் இருந்து “தவறான சாகசங்கள்” ஏதேனும் நிகழ்த்தினால் மோசமான முறையில் அவை எதிர்கொள்ளப்படும் என்று பாகிஸ்தானின் உயர்மட்ட பாதுகாப்பு வட்டாரம் எச்சரிக்கை விடுத்துள்ளது.
ஈரானின் தென்கிழக்கில் எல்லைப் பகுதியில் பாகிஸ்தான் தாக்குதல்களால் இறந்தவர்களின் எண்ணிக்கை ஒன்பதாக உயர்ந்துள்ளது என்று மாநில ஊடகங்கள் தெரிவித்துள்ளன.
“இன்று காலை சரவணின் எல்லைக் கிராமங்களில் ஒன்றில் நடந்த ஏவுகணைத் தாக்குதலில் இருவர் கொல்லப்பட்டனர், இறப்பு எண்ணிக்கை ஒன்பதாகக் கொண்டு வரப்பட்டது” என்று ஈரானின் சிஸ்தான்-பலூசிஸ்தான் மாகாணத்தின் துணை மாகாண ஆளுநர் அலிரேசா மர்ஹமதியை மேற்கோள் காட்டி அதிகாரப்பூர்வ ஐஆர்என்ஏ செய்தி நிறுவனம் தெரிவித்துள்ளது.
யுத்தம் தேவை இல்லாதது வீணான செலவுகள் தான் வரும். இரண்டு நாடுகளுமே யுத்தத்தை தவிர்க்க வேண்டும் அமைதி நிலவட்டும் இதுவே எனது எதிர்பார்ப்பு