பாலிவுட் நடிகர் சல்மான் கான் வீட்டின் மீது துப்பாக்கியால் சுட்டது, சல்மான் கானை கொலை செய்ய முயன்றது, மகாராஷ்டிரா முன்னாள் அமைச்சர் பாபா சித்திக்கை கொலை செய்தது என பல்வேறு குற்றங்களில் தொடர்புடைய லாரன்ஸ் பிஷ்னோய், தற்போது குஜராத் சபர்மதி சிறையில் அடைக்கப்பட்டுள்ளார். சல்மான் கான் வீட்டின் மீது துப்பாக்கியால் சுட்டதில் லாரன்ஸ் பிஷ்னோய் சகோதரர் அன்மோல் பிஷ்னோயிக்கு நெருங்கிய தொடர்பு இருப்பது மும்பை போலீஸாரின் விசாரணையில் தெரியவந்துள்ளது. சிறையில் இருந்து கொண்டு லாரன்ஸ் பிஷ்னோய் தனது சகோதரர் அன்மோல் மற்றும் கூட்டாளி கோல்டி பிரர் ஆகியோருடன் இணைந்து சதித்திட்டம் தீட்டி குற்றங்களில் ஈடுபட்டு வருகிறார். அன்மோல் பிஷ்னோய் எங்கு இருக்கிறார் என்பது தெரியாமல் இருந்தது.
