போபால்: மத்தியப் பிரதேச மாநிலம் உஜ்ஜயினியில், கிழிந்த ஆடைகளுடன், ரத்தக்கறையுடன் தெருக்களில் நடந்து கதவைத் தட்டி தட்டி உதவி கேட்ட குழந்தை திங்கள்கிழமை சிசிடிவி கேமராவில் பதிவாகியது.
பல வீடுகளில் உள்ள மக்கள், பாதாசாரிகள் சிறுமியின் நிலைமையை கண்டும் உதவி செய்யவில்லை. பின்பு சில உள்ளூர்வாசிகள் பொலிசாரை ழைத்துள்ளனர். அவர்கள் அவளை மருத்துவமனைக்கு அழைத்துச் சென்றனர், அங்கு மருத்துவ பரிசோதனையில் கற்பழிப்பு உறுதி செய்யப்பட்டது. சிறுமிக்கு சுமார் 12 வயது இருக்கும் என கூறப்படுகிறது.
முகம் தெரியாத நபர்கள் மீது இந்திய தண்டனைச் சட்டம் மற்றும் பாலியல் குற்றங்களிலிருந்து குழந்தைகளைப் பாதுகாக்கும் (போக்சோ) சட்டத்தின் தொடர்புடைய பிரிவுகளின் கீழ் வழக்கு பதிவு செய்யப்பட்டுள்ளது. சிசிடிவி காட்சிகளின்படி, சிறுமியின் அருகில் காணப்பட்டதாகக் கூறப்படும், அவளுடன் வலுக்கட்டாயமாக தொடர்பு கொள்ள முயன்றதாகக் கூறப்படும், நகரின் ஹட்கேஷ்வர் காலனியைச் சேர்ந்த சந்தேகத்திற்கிடமான ஒரு ஆட்டோ ஓட்டுநரை போலீஸார் தடுத்து வைத்துள்ளனர் என்று தெரிய வருகிறது.
சந்தேக நபரின் வாகனத்தின் பின்புறத்தில் இருந்து சில இரத்தக் கறைகளும் மீட்கப்பட்டுள்ளதாக போலிஸ் வட்டாரங்கள் தெரிவித்தன.
சிசிடிவி காட்சிகளை வைத்து பார்க்கையில், சிறுமி முல்லபுரா சாலையில் இருந்து ஹட்கேஷ்வர் காலனியை நோக்கி எட்டு கிலோமீட்டர் தூரம் நடந்து சென்று கதவைத் தட்டியது தெரிந்தது.
ஒரு முதியவர் அவளிடம் பேச முயற்சிப்பதையும் அந்த காட்சிகள் பிடித்துவிட்டன, ஆனால் அவர் விலகிச் சென்றார் என்று போலீஸ் வட்டாரங்கள் தெரிவித்தன.
உஜ்ஜைன் காவல் கண்காணிப்பாளர் சச்சின் சர்மா புதன்கிழமை கூறுகையில், “வீடு வீடாகச் சென்று குப்பை வாங்குபவரில் ஒருவராக மக்கள் அவரைத் தவறாகப் புரிந்து கொண்டனர். ஒரு உள்ளூர் [குடியிருப்பு] போலீஸை அழைத்தார். அவர் மருத்துவமனைக்கு அழைத்துச் செல்லப்பட்டார், அங்கு மருத்துவ பரிசோதனையில் கற்பழிப்பு உறுதி செய்யப்பட்டது.
உஜ்ஜயினியில் முதன்மை சிகிச்சைக்குப் பிறகு, சிறுமி இந்தூரின் MY மருத்துவமனைக்கு அழைத்துச் செல்லப்பட்டார், அங்கு அவளின் பலத்த காயங்களுக்கு அறுவை சிகிச்சை செய்யப்பட்டது. அறுவைசிகிச்சைக்கு தேவையான இரத்தத்தை தானம் செய்ய பல போலீசார் மற்றும் தன்னார்வலர்கள் முன்வந்தனர், சர்மா கூறினார்.
பொலிஸாரின் கூற்றுப்படி, அவளால் ஒத்திசைவாக பேச முடியாததால், அவளது அடையாளம் இன்னும் கண்டறியப்படவில்லை. “அவளால் முழுமையான வாக்கியங்களை பேச முடியவில்லை, அவள் பெயரைக் சொன்னாலும், அவளுடைய சரியான அடையாளம் எங்களுக்குத் தெரியவில்லை” என்று சர்மா கூறினார்.
அவர் மனநிலை சரியில்லாதவராகத் தெரியவில்லை என்றாலும், சிறுமியால் குற்றம் அல்லது அவள் உஜ்ஜயினிக்கு எப்படி வந்தாள் என்ற விவரங்களை இப்போது சொல்ல முடியவில்லை என்று சர்மா கூறினார்
அவரது உச்சரிப்பிலிருந்து, அவர் உத்தரபிரதேசத்தின் பஞ்சாரா சமூகத்தை சேர்ந்தவர் என்று போலீசார் சந்தேகிக்கின்றனர்.
தேசிய குழந்தைகள் ஆணையம் (NCPCR) தலைவர் பிரியங்க் கனூங்கோ கூறுகையில், இந்த சம்பவத்தின் மிகவும் துரதிர்ஷ்டவசமான பகுதி என்னவென்றால், பல மணிநேரம் யாரும் அந்த சிறுமிக்கு உதவ முன்வரவில்லை. இது சமூகத்தின் இருண்ட பக்கத்தை வெளிப்படுத்துகிறது என்று NCPCR தலைவர் கூறினார்.
நாடும் நாட்டு மக்களும் உணர்வுகள் மறந்து தங்கள் தங்கள் உடமையும் உயிரும் நல்ல இருந்தால் போதும் யார் எப்படி பாதித்தாலும் வேடிக்கை பார்த்து விட்டு போய்விட வேண்டும் என்ற மனநிலையில் வந்து விட்டனர் அங்கே நடக்கும் அட்டூழியம் தங்கள் வீட்டில் நடக்கும் போது தான் வலிக்கும்……..