தெலங்கானா முதல்வர் சந்திரசேகர் ராவ்
தொழில்நுட்பக் கோளாறு காரணமாக தெலங்கானா முதல்வர் சந்திரசேகர் ராவ் பயணித்த ஹெலிகாப்டர் அவசரமாக தரையிறக்கப்பட்டது.
சத்தீஸ்கா், மத்திய பிரதேசம், மிஸோரம், ராஜஸ்தான், தெலங்கானா ஆகிய மாநிலங்களுக்கு நவம்பர் மாதத்தில் சட்டப்பேரவைத் தோ்தல் நடைபெற இருக்கிறது. இதையொட்டி தேசிய, மாநில கட்சிகள் அங்கு தீவிர தேர்தல் பிரசாரத்தில் ஈடுபட்டு வருகின்றன.
இதில், தெலங்கானா மாநிலத்துக்கு வருகிற நவம்பர் 30 ஆம் தேதி சட்டப்பேரவைத் தேர்தல் நடைபெற உள்ளது.
இந்நிலையில், மகபூப்நகர் மாவட்டம் தேவரகத்ரா பகுதியில் பொதுக்கூட்டத்தில் கலந்துகொள்ள முதல்வர் சந்திரசேகர் ராவ், ஹெலிகாப்டரில் புறப்பட்டார்.
அப்போது திடீரென ஹெலிகாப்டரில் தொழில்நுட்பக்கோளாறைக் கண்டறிந்து கூறியதால் முதல்வரின் பண்ணை வீட்டில் உடனடியாக தரையிறக்கப்பட்டது. இதனால் பெரும் சேதம் தவிர்க்கப்பட்டதாகக் கூறப்படுகிறது.
முதலமைச்சரின் ஹெலிகாப்டர் விமானியின் திறமையால் தரை இறங்கியதால் பெரும் விபத்து தவிர்க்கப்பட்டுள்ளது. இதுபோன்ற ஹெலிகாப்டர் விபத்தில் நம் முப்படையின் தளபதி ஒருவர் மற்றும் அவருடன் இருந்தவர்கள் மரணமடைந்தார்கள் அதேபோன்று தமிழகத்தைச் சேர்ந்த மத்திய அமைச்சர் சோமு என்பவரும் ஹெலிகாப்டர் விபத்தில் உயிரிழந்தார் இது போன்ற சம்பவம் தவிர்க்கப்பட்டுள்ளது விமானியின் திறமைக்கு ஒரு பாராட்டு