Last Updated:
இதுகுறித்து விசாரணை நடத்த மாநில தொழிலாளர் நலத்துறை உத்தரவிட்டுள்ளது.
கேரளாவில் தனியார் நிறுவனத்தில் இலக்கை முடிக்காத ஊழியர்களை நாய் போல் சங்கிலியால் கட்டி இழுத்துச் சென்றதாக வீடியோ வெளியாகி பரபரப்பை ஏற்படுத்தியுள்ளது.
கொச்சியில் உள்ள ஒரு தனியார் மார்க்கெட்டிங் நிறுவனத்தில் டார்கெட் முடிக்காத ஊழியர்களுக்கு இத்தகைய கொடூர தண்டனை கொடுக்கப்பட்டதாக அந்நிறுவனத்தில் வேலை பார்த்த ஊழியர்கள் தெரிவித்து உள்ளனர். ஊழியர்களை சங்கிலியால் கட்டி வைத்து நாய்களைப் போல மண்டியிட்டு நடக்கவும், தரையில் இருந்து நாணயங்களை நக்கவும் வைத்து கொடுமைப்படுத்தியது போன்ற காட்சிகள் வெளியாகி சமூக ஊடகங்களில் அதிர்வலைகளை ஏற்படுத்தியுள்ளன.
கேரளா: மார்க்கெட்டிங் நிறுவனத்தில் மனிதாபிமானமற்ற செயல்#Kerala #News18tamilnadu | https://t.co/3v5L32pLWJ pic.twitter.com/wzm8IhBABY
— News18 Tamil Nadu (@News18TamilNadu) April 6, 2025
இதுகுறித்து விசாரணை நடத்த மாநில தொழிலாளர் நலத்துறை உத்தரவிட்டுள்ளது. அதேநேரம், இந்த விவகாரம் தொடர்பாக இதுவரை எந்த புகாரும் வரவில்லை என்றும் இருப்பினும், தாமாக முன்வந்து விசாரணை நடத்தப்பட்டு வருவதாகவும் காவல்துறையினர் தெரிவித்துள்ளனர்.
இதற்கிடையே இந்த வீடியோ குறித்து சிலர் சந்தேகம் எழுப்பியுள்ளனர். அது என்னவென்றால், சிலர் இதை போலி வீடியோ என்றும், சிலர் சித்தரிக்கப்பட்டது என்றும் கூறி வருகின்றனர். இதுகுறித்து போலீசார் விசாரணை மேற்கொண்டு வருவது குறிப்பிடத்தக்கது.
April 07, 2025 8:30 AM IST
