காலை 10 மணி நிலவரப்படி, மும்பை பங்குச்சந்தை குறியீட்டு எண் சென்செக்ஸ் 121 புள்ளிகள் சரிந்து 77,199.42 புள்ளிகளாக வணிகம் நடைபெற்று வருகிறது. மொத்த வணிகத்தில் இது 0.14 சதவீதம் சரிவாகும்.
தேசிய பங்குச்சந்தை குறியீட்டு எண் நிஃப்டி 35.35 புள்ளிகள் சரிந்து 23,346.25 புள்ளிகளாக வணிகம் நடைபெற்று வருகிறது. இது மொத்த வணிகத்தில் 0.19 சதவீதம் சரிவாகும்.
சென்செக்ஸ் பட்டியலில் உள்ள 30 தரப் பங்குகளில் 8 நிறுவனங்களின் பங்குகள் மட்டுமே உயர்வுடன் வணிகமாகி வருகிறது. எஞ்சிய 22 நிறுவனங்களின் பங்குகள் சரிவுடன் காணப்படுகின்றன.
சிறு – குறு நிறுவனங்கள் அதிகபட்சமாக 1% வரை சரிந்தன.
அமெரிக்க அதிபர் டொனால்ட் டிம்ரப்பின் வரி விதிப்பு எதிரொலியால் இந்திய பங்குச் சந்தைகள் நிலையற்ற தன்மையில் நீடித்து வருகின்றன. வெளிநாட்டு முதலீட்டாளர்களிடையே நிலவும் நிச்சயமற்ற தன்மையால் நிதி வெளியேற்றம் தொடர்ந்து நடைபெற்று வருகிறது.
