மத்திய இணை அமைச்சரின் மருமகன் சுட்டுக்கொலை.. போலீஸ் விசாரணையில் தெரியவந்த அதிர்ச்சி தகவல்

இந்த நிலையில் வீட்டில் உள்ள குழாயில் தண்ணீர் பிடிப்பது தொடர்பாக அதிகாலையில் இருவரின் மனைவிகள் இடையே தகராறு ஏற்பட்டுள்ளது. அப்போது, தத்தமது மனைவிக்கு ஆதரவாக பேசிய அண்ணன், தம்பி இருவருக்கும் இடையே சிறு வாக்குவாதம் ஏற்பட்டுள்ளது.

வாக்குவாதம் முற்றிய நிலையில், அவர்கள் கைகலப்பில் ஈடுபட்டு மல்லுக்கட்டியுள்ளனர். இதில் ஆத்திரமடைந்த விஸ்வஜித், வீட்டில் வைத்திருந்த தனது துப்பாக்கியை எடுத்து ஜெயஜித்தை சுட்டதாக கூறப்படுகிறது. அதில், காயமடைந்த ஜெயஜித், விஸ்வஜித் கையில் இருந்து துப்பாக்கியை பறித்து அவரை சுட்டுள்ளார்.

இதையும் படியுங்கள் : “அப்பா டிரம்மில் இருக்கிறார்..” – மீரட் சம்பவத்தில் 6 வயது மகள் சொன்னது என்ன? – திடுக் தகவல்கள்!

மகன்களை சமாதானம் செய்ய முயற்சித்த அவரின் தாயார் ஹினா தேவியின் கையிலும் குண்டு பட்டுள்ளது. கணப்பொழுதில் நடந்த அசம்பாவிதத்தை கண்டு அதிர்ச்சியில் உறைந்த குடும்பத்தினர், ரத்த வெள்ளத்தில் கிடந்த மூவரையும் மீட்டு தனியார் மருத்துவமனைக்கு அழைத்துச் சென்றனர்.

ஆனால், மருத்துவமனை வரும் வழியிலேயே விஸ்வஜித் உயிரிழந்துவிட்டதாக மருத்துவர்கள் கூறியுள்ளனர். உயிருக்கு ஆபத்தான நிலையில் உள்ள ஜெயஜித்தை, தீவிர சிகிச்சை பிரிவில் அனுமதித்து தொடர்ந்து சிகிச்சை அளிக்கப்பட்டு வருகிறது. அவரின் தாயாருக்கும் தொடர்ந்து சிகிச்சை அளிக்கப்படுகிறது.

இது குறித்து வழக்குப்பதிவு செய்த போலீசார், சம்பவ இடத்தில் ஆய்வு மேற்கொண்டனர். அங்கிருந்து துப்பாக்கி மற்றும் தோட்டாக்களை பறிமுதல் செய்து தொடர்ந்து விசாரணை மேற்கொண்டு வருகின்றனர்.

முதல்கட்ட விசாரணையில் ஜெயஜித்தின் மீது ஏற்கனவே குற்ற வழக்குகள் நிலுவையில் உள்ளது தெரியவந்துள்ளது. மேலும், சகோதரர்கள் ஒரே வீட்டில் வசிந்து வந்த போதும், அடிக்கடி அவர்களுக்கு இடையே மோதல் ஏற்பட்டதாகவும் கூறப்படுகிறது.

மத்திய இணையமைச்சரின் உறவுக்காரர் வீட்டில், குழாயில் தண்ணீர் பிடிப்பது தொடர்பாக சகோதரர்களுக்கு இடையே ஏற்பட்ட மோதலில், ஒருவர் சுட்டுக் கொல்லப்பட்ட சம்பவம் பீகாரில் அதிர்ச்சியை ஏற்படுத்தியுள்ளது.