சிறுமியை பாலியல் வன்கொடுமை செய்த பிரபல யூடியூபர்.. ஏர்போர்ட்டில் மடக்கி பிடித்த போலீசார்.. கேரளாவில் அதிர்ச்சி சம்பவம்!

இந்நிலையில், இன்ஸ்டாகிராம், ஸ்னாப்சாட் உள்ளிட்ட சமூக ஊடகங்களில் தீவிரமாக இயங்கி வந்த சாலிக்கு, இன்ஸ்டா மூலம் சிறுமி ஒருவரின் அறிமுகம் கிடைத்துள்ளது. சாட்டிங், டாக்கிங் என தொடர்ந்து வந்த இவர்களது பழக்கம் நாளடைவில் நெருக்கமாக மாறியிருக்கிறது. ஒரு கட்டத்தில் அந்த சிறுமியை திருமணம் செயது கொள்வதாக வாக்குறுதி அளித்து பாலியல் வன்கொடுமை செய்ததாகக் கூறப்படுகிறது.

இருவருக்கும் இடையிலான உறவு குறித்து அறிந்த சிறுமியின் குடும்பத்தினர், சாலியை அழைத்து கடுமையாக எச்சரித்து அனுப்பியிருக்கின்றனர். ஆனால் அதையெல்லாம் பொருட்படுத்தாத சாலி தொடர்ந்து சிறுமியுடன் தனது பழக்கத்தைத் தொடர்ந்து வந்துள்ளார். இதனால் ஆத்திரமடைந்த சிறுமியின் பெற்றோர் இதுகுறித்து கோயிலாண்ட காவல்துறையில் புகார் அளித்தனர்.

இதனைத்தொடர்ந்து போலீசார் வழக்கு பதிந்து அவரைத் தேடிச் சென்றபோது அவர் வெளிநாடு தப்பிச் சென்றது தெரியவந்தது. இதனால் போலீசார் சாலிக்கு எதிராக லுக்அவுட் நோட்டீஸ் பிறப்பித்தனர். வெளிநாட்டில் விசா காலம் முடிவடைந்து மீண்டும் இந்தியா திரும்ப வேண்டிய சூழல் ஏற்பட்டதையடுத்து, சாலி மங்களூரு விமான நிலையம் மூலமாக போலீசுக்கத் தெரியாமல் இந்தியாவுக்குள் ஊடுருவ நினைத்துள்ளார்.

ஆனால், மங்களூரு விமான நிலையத்திற்கு சாலி வந்தடைந்ததும் குடியேற்ற அதிகாரிகள் அவரை கண்டுபிடித்து விட்டனர். சாலியை தடுத்து நிறுத்தி உடனே கேரள போலீசாருக்கு தகவல் தெரிவித்தனர். மங்களூரு விமான நிலையத்தில் கோயிலாண்டி போலீசார் அவரை கைது செய்தனர். மருத்துவ பரிசோதனைக்குப் பிறகு கோயிலாண்டி ஜே.சி.எம் நீதிமன்றத்தில் ஆஜர்படுத்தப்பட்டு நீதிமன்றக் காவலில் வைக்கப்பட்டார்.

மேலும் இவர் மீது இதேபோன்ற வேறு ஏதேனும் புகார்கள் உள்ளதா? என்று போலீசார் விசாரித்து வருகின்றனர். சிறுமியிடம் அத்துமீறிய விவகாரத்தில் பிரபல கேரள யூடியூபர் கைது செய்யப்பட்டிருப்பது பெரும் பரபரப்பை ஏற்படுத்தியுள்ளது.