துபாயில் கொட்டித் தீர்க்கும் கனமழை: நீரில் மிதக்கும் விமானங்கள்..

துபாய் சர்வதேச விமான நிலையம் முழுவதும் வெள்ளம் சூழ்ந்ததால், விமான சேவைகள் தற்காலிகமாக நிறுத்தம், பல விமானங்கள் நீரில் மிடக்கின்றன..

நாடு முழுவதும் கனமழை எச்சரிக்கை விடுக்கப்பட்டுள்ளதால், பொதுமக்கள் வெளியே வர வேண்டாம் என அறிவுறுத்தப்பட்டுள்ளது

துபாயில் வரலாறு காணாத கனமழை பெய்து வருகிறது.  சூறாவளி காற்றுடன் கனமழை தொடர்ந்து பெய்து வரும் நிலையில் வாகன ஓட்டிகள் பெரும் சிரமத்திற்கு ஆளாகியுள்ளனர்.

மழை காரணமாக பல இடங்களில் வாகனங்கள் செல்ல முடியாத  நிலையில் பல இடங்களில் போக்குவரத்திற்கு தடைவிதிக்கப்பட்டுள்ளது.  துபாய் விமான நிலையத்தில் இருந்து புறப்பட்ட விமான சேவைகள்  தொடர்ந்து முடக்கிவிடப்பட்டுள்ளன.  வானிலை  காரணமாக துபாய்க்கு வர விருந்த விமான சேவைகள் தற்காலிகமாக மாற்றி விடப்பட்டன.  

இந்நிலையில் ஐக்கிய அரபு நாடுகளில் பெய்து வரும் கனமழை காரணமாக துபாய், ஷார்ஜா, குவைத் நகரங்களுக்கு சென்னையில் இருந்து செல்லும் 5 விமானங்கள் ரத்து செய்யப்பட்டுள்ளது.