இந்துக்களின் முக்கிய பண்டிகைகளில் ஒன்று நவராத்திரி. மொத்தமாக ஒன்பது நாள்கள் கொண்டாடப்படும் நவராத்திரி பண்டிகை, இந்த ஆண்டு அக்டோபர் 3 முதல் 12ஆம் தேதி வரை கொண்டாடப்படவிருக்கிறது. இந்நிலையில், மத்தியப் பிரதேசத்தில் நவராத்திரி பண்டிகையை முன்னிட்டு ஏற்பாடு செய்யப்பட்டிருக்கும் நிகழ்ச்சியில் கலந்துகொள்பவர்கள் கட்டாயம் கோமியம் அருந்தினால்தான் நிகழ்ச்சிக்குள் அனுமதிக்க வேண்டும் எனப் பா.ஜ.க., நிர்வாகி நிபந்தனை போட்டிருக்கும் செயல் சர்ச்சையை ஏற்படுத்தியிருக்கிறது.
