மதுரை மாநகராட்சி செல்லூர் பகுதியைச் சேர்ந்த பாலசுப்பிரமணியன். இவர் நாம் தமிழர் கட்சியில் மதுரை மாநகர் வடக்கு தொகுதி துணைச் துணைச் செயலாளராக இருந்து வந்தார்.
அமைச்சர் வீட்டின் அருகே நடந்த கொடூரம்
இவர் இன்று காலை வழக்கம் போல் வாக்கிங் சென்று கொண்டிருந்த போது அவரைப் பின்தொடர்ந்து வந்த 4 பேர் கொண்ட மர்ம கும்பல் மதுரை வல்லபாய் சாலையில் அமைந்துள்ள தமிழக தகவல் தொழில்நுட்பத் துறை அமைச்சர் பி டி ஆர் பழனிவேல் தியாகராஜன் வீட்டின் அருகே பாலசுப்பிரமணியனை கொள்வதற்காக விரட்ட தொடங்கி உள்ளது.
சரமாரியாக வெட்டி கொலை
இதனைக்கண்டு அதிர்ச்சி அடைந்த அவர் தனது உயிரைக் காப்பாற்றி கொள்ள பாலசுப்பிரமணியன் ஓட தொடங்கிய நிலையில் வழி மறித்த அந்த கும்பல் பாலசுப்ரமணியனை கத்தி அரிவாள் உள்ளிட்ட பயங்கர ஆயுதங்களால் சரமாரியாக வெட்டி கொலை செய்து விட்டு அங்கிருந்து தப்பி சென்றது.
தல்லாகுளம் போலீசார்
இந்த சம்பவம் தொடர்பாக தல்லாகுளம் போலீசாருக்கு உடனடியாக அப்பகுதியில் உள்ள பொதுமக்கள் தகவல் அளித்தனர். இதன் பேரில் சம்பவ இடத்திற்கு விரைந்து வந்த தல்லாகுளம் போலீசார் உயிரிழந்த பாலசுப்பிரமணியனின் உடலை கைப்பற்றி பிரேத பரிசோதனைக்காக மதுரை அரசு ராஜாஜி மருத்துவமனைக்கு உடனடியாக அனுப்பி வைத்தனர். மேலும் பாலசுப்ரமணியன் எதற்காக கொல்லப்பட்டார் ? அவர் மீது ஏதும் முன்விரோதமா? என்பது தொடர்பாகவும் போலீசார் விசாரணை நடத்தி வருகின்றனர்.
ஆம்ஸ்ட்ராங் கொலை வழக்கு
ஏற்கனவே சென்னையில் ஆம்ஸ்ட்ராங் கொலை செய்யப்பட்டு சம்பவம் நடந்து ஒரு சில நாட்களே ஆன நிலையில் தற்போது மதுரையில் நாம் தமிழர் கட்சி வடக்கு தொகுதி துணைச் செயலாளர் பாலசுப்ரமணியன் வெட்டி படுகொலை செய்யப்பட்டுள்ள சம்பவம் தமிழகத்தில் பரபரப்பை ஏற்படுத்தி இருக்கிறது. அமைச்சர் PTR பழனிவேல் தியாகராஜன் வீட்டின் அருகே இந்த சம்பவம் அரங்கேரி இருப்பதால் பொதுமக்கள் அனைவரும் அச்சத்தில் உள்ளனர்.
துணை கமிஷனர் விசாரணை
இது தொடர்பாக நேரடியாக காவல் ஆணையர் மேற்பார்வையில் துணை கமிஷனர் மதுக்குமாரி சம்பவ இடத்திற்கு சென்று நேரடியாக விசாரணை மேற்கொண்டு வருகிறார். அந்த பகுதியில் ஏதேனும் சிசிடிவி காட்சிகள் பொருத்தப்பட்டுள்ளதா என்பது தொடர்பாகவும் அவர் விசாரணை மேற்கொண்டு வருகிறார். போலீசாரின் முதற்கட்ட விசாரணையில் 4 பேர் கொண்ட கும்பல் அவரை கொலை செய்திருப்பது தெரிய வந்துள்ளது.
😈😈😈😈😈😈😈😈👾👾👾👾👾👥👥👥👥👥👥👥