மே – 12 பிற்பகல்: தமிழக முதல்வர் ஸ்டாலினை வரவேற்க தமிழக விருந்தினர் மாளிகைக்குக் காங்கிரஸ் நிர்வாகிகள் மூவருடன் வந்த ஊட்டி எம்.எல்.ஏ கணேசனை காவல் துறையினர் அனுமதிக்க மறுக்கவே, ஒருவழியாக எம்.எல்.ஏ., மட்டும் அனுமதிக்கப்பட்டார்.
மே – 13 மாலை: தமிழக முதல்வர் ஸ்டாலின் முதுமலையில் உள்ள தெப்பக்காடு வளர்ப்பு யானைகள் முகாமிற்கு பயணித்த நிலையில் மசினக்குடி – தெப்பக்காடு சாலையோரக் குழிகள் அவசர அவசரமாகச் செப்பனிடும் பணி நடைபெற்றது.
மே – 13 : வன விலங்குகள் நடமாடக்கூடிய அடர் வனப்பகுதியை ஒட்டிய சாலையில் சராசரியான இடைவெளியில் கொட்டிய மழையிலும் காவலர்கள் பணியமர்த்தப்பட்டிருந்ததை முதல்வர் கவனித்தாரா எனத் தெரியவில்லை.
மே – 13 : தெப்பக்காடு யானைகள் முகாமில் பாகன்கள் வழக்கமான சீருடையில் வழக்கத்திற்கு மாறாக ஒரே மாதிரியான ஷூ அணிந்திருந்தனர்.
மே – 13 : முதல்வர் ஸ்டாலினின் வருகையையாெட்டி வழக்கத்திற்கு மாறாக வளர்ப்பு யானைகள் வெகு நேரத்திற்கு முன்னதாகவே குளிக்கவைக்கப்பட்டு, உணவு வழங்கும் இடத்தில் நிறுத்திவைக்கப்பட்டிருந்தன. இதனால் யானைகள் ரெஸ்ட் லெஸ் ஆக காணப்பட்டன.
மே – 13 : தெப்பக்காடு யானைகள் முகாமில் நிறுத்தப்பட்ட முதல்வர் பயணித்த வாகனத்தில் இருந்த தேசியக் காெடியை காவலர் ஒருவர் கழற்றிவிட்டு கட்சி காெடியைப் பாெறுத்தினார்.
மே -13 : ஏதோ நியாபகத்தில் கட்சிக் காெடியை வாகனத்தில் பாெறுத்தியதை கவனித்த மற்ற காவலர்கள், இது கட்சி நிகழ்ச்சியில்லை என சொல்ல சுதாரித்துக் காெண்டு இரண்டு கொடிகளும் கழற்றப்பட்டன.
மே – 14 : முதல்வர் ஸ்டாலின் காலை 7.30 மணிக்கு தமிழ்நாடு விளையாட்டு மேம்பாட்டு ஆணைய திறந்த வெளி மைதானத்தில் வாக்கிங் செல்ல ஏற்பாடுகள் தீரவிரமாக நடைபெற்று வந்தன, முதோல் ஹவுன்டு இன மோப்ப நாய் வரவழைக்கப்பட்டிருந்தது.
மே – 14 : சைக்கிளில் வந்த சிறுவர்கள்கூட, மைதான வளாகத்திற்குள் சைக்கிள் காெண்டு செல்ல காவல்துறையினர் அனுமதி மறுத்தனர். சைக்கிளை வேறு இடத்தில் நிறுத்திவிட்டு மைதானத்திற்குள் வந்தனர்.
மே – 14 : சுமார் 11 மணியளவில் முதல்வர் ஸ்டாலின் அரசு மருத்துவக் கல்லுாரி மருத்துவமனையை ஆய்வு செய்ய வருவதாகத் தகவல் பரவிய நிலையில், அரசு மருத்துவக்கல்லுாரியை சீருடையணியாத காவல் துறையினர் சுற்றிவளைத்திருந்தது சினிமாவை விஞ்சும் வகையில் இருந்தது.
மே -14 : மாலை முதல்வர் ஸ்டாலின் குடும்பத்தினருடன் தொட்டபெட்டா மலைச் சிகரத்தை காண ஏற்பாடுகள் தீவிரமாக நடைபெற்று வந்தநிலையில் சுமார் 3.30 மணிக்கெல்லாம் கடைகளை அடைக்க உத்தரவிடப்பட்டிருந்தது, 3.52 மணிக்கு டிக்கெட் கவுன்ட்டர் மூடப்பட்டு காெட்டும் மழையில் சுற்றுலாப் பயணிகள் கட்டாயப்படுத்தி காவல்துறையினரால் வெளியேற்றப்பட்டனர் .
மே – 14 : விகடன் இ மேகசினில் ஒளிபரப்பப்பட்ட https://www.facebook.com/share/v/16MHamVRbB/ இந்த லைவ் வீடியாே பரவ, சுற்றுலாப் பயணிகள் வெளியேற்றப்பட்டாலும், வெறுமென டிக்கெட் கவுன்ட்டரை போலீசார் திறக்க உத்தரவிட்டது குறிப்பிடத்தக்கது.
மே – 15 : புகழ் பெற்ற ஊட்டி மலர் கண்காட்சியை முதல்வர் ஸ்டாலின் திறந்து வைத்துப் பார்வையிட்டார்.
மே – 15 : திறந்து வைத்தபோது அணிந்திருந்த உடை மேடைக்கு வரும்போது மாறியிருந்தது. சொல்லப்போனால் ஊட்டியில் இருந்த 5 நாள்களும் உடை விஷயத்தில் அதிக கவனம் செலுத்தியதாகவே தெரிகிறது.
மே – 15 : தமிழக முதல்வர் ஸ்டாலின், துர்கா ஸ்டாலின் உடன் வந்த இளம் பெண் யார் என்ற கேள்வி பலதரப்பினரிடம் எழுந்தது, அது தான் பூங்குழலி, தமிழக முதல்வர் ஸ்டாலினின் அண்ணன் மு.க தமிழரசு மகள்.
மே – 16 : முதல்வர் ஸ்டாலின் காலை 7.30 மணிக்கு தமிழ்நாடு விளையாட்டு மேம்பாட்டு ஆணைய திறந்த வெளி மைதானத்தில் இரண்டாவது முறையாக வாக்கிங் சென்று திரும்பும்பாேது தமிழகத்தின் பல்வேறு பகுதியில் இருந்து வந்த தாெடக்கப்பள்ளி ஆசிரியர்கள் அளித்த மனுவை பெற்றுக்காெண்டார்.
மே – 16 : தமிழக விருந்தினர் மாளிகையில் முதல்வர் ஸ்டாலினைச் சந்திக்க அனுமதி பெற்று அதிகாலை முதல் காத்திருந்த தாெண்டர்களை, பெரும் கெடுபிடிகளுக்குப் பிறகு சிறு சிறு குழுக்களாக முதல்வரைச் சந்திக்க காவலர்கள் அனுமதித்தனர்.
மே – 16 : ஒருகட்டத்தில் 11.30 மணியளவில் கான்வாய் கிளம்ப, நுழைவு வாயிலில் இறங்கிய முதல்வர், காத்திருந்த தொண்டர்களுடன் கைகுலுக்கியும், புகைப்படம் எடுத்துவிட்டுக் கிளம்பினார்.
