நம் எல்லோருக்குமே தமிழ்நாட்டுக்குள் ஒரு அழகான மலைவாசஸ்தலத்திற்கு சுற்றுலா செல்ல வேண்டும், தேனிலவு செல்ல வேண்டும் அல்லது விடுமுறைக்கு செல்ல வேண்டும் என்று தோன்றினால் நம் மனதில் உதிக்கும் மலைவாசஸ்தலம் ஒன்று ஊட்டி, மற்றொன்று கொடைக்கானல்! ஆனால் உண்மையில், இவற்றை விடவும் அழகான, குளிர்ந்த, அழகிய சுற்றுலாத் தலங்கள் அடங்கிய பல மறைந்திருக்கும் மலைவாசஸ்தலங்கள் தமிழகத்தில் உண்டு என்று நம்மில் பலருக்கும் தெரிவது இல்லை! அவற்றின் பட்டியலை இங்கே பார்ப்போம் வாருங்கள்!
மேகமலை
தேனியில் இருந்து 55 கிமீ தொலைவிலும், கூடலூரில் இருந்து 59 கிமீ தொலைவிலும், குமளியில் இருந்து 92 கி.மீ தொலைவிலும் அமைந்துள்ள மேகமலை தேனி மாவட்டத்தில் உள்ள ஒரு அழகிய ஹில் ஸ்டேஷனாகும். ‘ஹைவேவிஸ் மலைகள்’ என்று பிரபலமாக அழைக்கப்படும் மேகமலை, மேற்குத் தொடர்ச்சி மலைத்தொடரில் அமைந்துள்ள ஒரு ஆராயப்படாத சொர்க்கமாகும். நகர வாழ்க்கையின் சலசலப்பில் இருந்து அமைதியான ஒரு இடைவெளியை நீங்கள் தேடுகிறீர்களானால், மேகமலை உங்களுக்கு ஒரு சரியான தேர்வாகும். மேகமலை வனவிலங்கு சரணாலயம், ஹைவேவி அணை, மேகமலை வியூபாயின்ட், மணலார் அணை, சுருளி நீர்வீழ்ச்சி, இரவங்களார் அணை மற்றும் மகாராஜா மெட்டு ஆகியவை நீங்கள் இங்கு கட்டாயம் பார்க்க வேண்டிய இடங்களாகும். மேகமலை தமிழ்நாட்டின் முக்கிய நகரங்கள் மற்றும் நகரங்களுடன் நன்கு இணைக்கப்பட்டுள்ளதால், பொது பேருந்து மூலமாகவோ அல்லது தனியார் மற்றும் சொந்த வாகனம் மூலமாகவோ எளிதில் அணுகலாம்.
கொல்லி மலை
‘மௌண்டெய்ன் ஆஃப் டெத்’ எனப்படும் மிரட்டலான பெயர் கொண்ட இந்த கொல்லி மலை தமிழ்நாட்டின் நாமக்கல் மாவட்டத்தில் அமைந்துள்ள ஒரு கண்கவர் மலைவாசஸ்தலமாகும். இயற்கை அழகும் மத முக்கியத்துவமும் வாய்ந்த கொல்லி மலை தமிழ்நாட்டின் ஒரு ஆராயப்படாத இயற்கை அதிசயமாகும். புகழ்பெற்ற அரபளீஸ்வரர் கோயில், சித்தர் குகைகள், அகயா கங்கை நீர்வீழ்ச்சிகள், தாவரவியல் பூங்கா, மாசிலா நீர்வீழ்ச்சி, மற்றும் செல்லூர் வியூ பாயிண்ட் ஆகியவை இப்பகுதியின் பிரபலமான இடங்களாகும். இப்பகுதியில் பயணிகளை கவரும் வகையில் தமிழக அரசு படகு இல்லம் அமைத்துள்ளது. மேலும் இங்கு ட்ரெக்கிங் செய்வது மிகவும் பிரபலமாகும்.
பன்றிமலை
பெயரே வித்தியாசமாக உள்ளது என நினைக்குறீர்களா? ஆனால் பெயருக்கும் இடத்திற்கும் சம்மந்தேமே இல்லாதது போல் தான் இருக்கும் இந்த இடம். முழுவதும் பசுமை மற்றும் இயற்கை அழகால் சூழப்பட்டுள்ள இந்த பன்றிமலை தமிழ்நாட்டின் திண்டுக்கல் மாவட்டத்தில் அமைந்துள்ள ஒரு அழகிய சிறு கிராமமாகும். புள்ள வெளி நீர்வீழ்ச்சி, அமைதி சோலை நீர்வீழ்ச்சி, காமராஜர் சாகர் டேம்,ஆத்துர் டேம், பல அழகிய சிறு சிறு மலைவாழ் கிராமங்கள் என உங்கள் மனதை கொள்ளயடிக்கும் விஷயங்கள் இங்கு ஏராளமாக உள்ளன. திண்டுக்கல்லில் இருந்து 45 கிமீ தொலைவில் அமைந்துள்ள இந்த பன்றிமலையை பொது மற்றும் தனியார் பேருந்துகள் அல்லது டாக்சி மூலம் எளிதில் அடையலாம்.
மஞ்சுமலை
கிருஷ்ணகிரி மாவட்டத்தில் அமைந்துள்ள இந்த அழகிய கிராமம் அன்செட்டியில் இருந்து 25 கிமீ தொலைவில் அமைந்துள்ளது. இது ஒரு அடர்ந்த வனப்பகுதியாகும், இங்கே ட்ரெக்கிங் மற்றும் கேம்பிங் செய்வது இப்போது பிரபலமாகி வருகிறது. இந்த இடம் பெங்களூருவிற்கு அருகில் இருப்பதால் பெங்களூர் நகர வாசிகளும் கூட வார இறுதியில் இந்த இடத்திற்கு ட்ரிப் பிளான் பண்ணலாம். இங்கே மிகவும் பிரபலமான மாரியம்மன் கோயிலை நீங்கள் கட்டாயம் பார்வையிட வேண்டும். இனிமையான வானிலையும், ஆங்காகே இருக்கும் சிறு சிறு குளங்களும், ஓடைகளும், தோட்டங்களும் நம்மை பரவசமடையவைக்கும் பயணிகளே.
கொழுக்கு மலை
உலகிலேயே உயரமான இடத்தில் தேயிலை விளையும் பகுதி தமிழ்நாட்டின் தேனி மாவட்டத்தில் உள்ள கொழுக்குமலை தானாம். பெரிய கானல், சின்னக்கானல், அதனருகே பரந்து விரிந்து கிடைக்கும் யானை இரங்கல் டேம், அடர்ந்த வனப்பகுதிகள், பல வியுபாயிண்ட்கள் என ஒரு நாள் முழுவதும் சுற்றி ரசிக்க கொழுக்குமலையில் ஏகப்பட்ட சுற்றுலாத் தலங்கள் உள்ளன. மலை முகட்டில் தேயிலைத் தோட்டங்களின் நடுவே நடந்து செல்லும் யாவரும் மேகக் கூட்டங்களுடன் மறைந்து வெளியேறும் அனுபவத்தைப் பெறமுடியும் பயணிகளே.
பெல்லிக்கல்
நீலகிரியில் அமைந்துள்ள பெல்லிக்கல் ஒரு அமைதியான கிராமமாகும், இது பசுமையான நிலப்பரப்புகள், அமைதியான ஏரிகள் மற்றும் ஏராளமான வனவிலங்குகளின் அழகிய காட்சிகளை வழங்குகிறது. வெறித்தனமான கூட்டத்திலிருந்து வெகு தொலைவில், இந்த ஒதுங்கிய பின்வாங்கல் பறவை பார்வையாளர்கள் மற்றும் இயற்கை ஆர்வலர்களுக்கு ஒரு சிறந்த இடமாகும், யானைகள், காட்டெருமைகள் மற்றும் புலிகள் போன்ற விலங்குகளின் காட்சிகள் அதன் அழகைக் கூட்டுகின்றன. அழகிய பெல்லிக்கல் ஏரி, அதன் வசீகரிக்கும் சூழலுடன், ஒரு சிறப்பம்சமாகும், இது பார்வையாளர்களுக்கு அமைதி மற்றும் பிரதிபலிப்பு தருணங்களை வழங்குகிறது.
வால்பாறை
வால்பாறை இந்தியாவின் தமிழ்நாட்டின் மேற்கு தொடர்ச்சி மலையில் அமைந்துள்ள ஒரு அழகான மலைவாசஸ்தலம் ஆகும். கோயம்புத்தூர் மாவட்டத்தில் அமைந்துள்ள இது, அதன் அற்புதமான இயற்கை அழகு, பசுமையான தேயிலை தோட்டங்கள் மற்றும் பல்வேறு வனவிலங்குகளுக்கு பெயர் பெற்றது. வால்பாறை அதன் குளிர்ந்த காலநிலை மற்றும் பிரமிக்கவைக்ககூடிய இயற்கைக்காட்சிகளுடன் ஒரு அமைதியான மற்றும் அமைதியான சுற்றுலா வாய்ப்பை வழங்குகிறது, இது இயற்கை ஆர்வலர்கள் மற்றும் இயற்கையின் மடியில் அமைதியான பின்வாங்கலை விரும்புவோருக்கு ஒரு பிரபலமான இடமாக அமைகிறது.
மசினகுடி
பசுமையான காடுகள், அழகான நீர்வீழ்ச்சிகள் மற்றும் அற்புதமான நிலப்பரப்புகளால் நிறைந்துள்ள மசினகுடி தமிழ்நாட்டின் நீலகிரி மாவட்டத்தில் உள்ள ஒரு சிறிய மற்றும் அழகான மலைவாசஸ்தலமாகும். விலங்குகளை கண்டறிவது, மீன் பிடிப்பது, ஜீப்புகளில் சஃபாரி, தெப்பக்காடு யானைகள் முகாமிற்கு செல்வது, மாயார் ஆற்றங்கரையிள் படகு சவாரி செய்வதுடன், முதுமலை மற்றும் பந்திப்பூர் புலிகள் காப்பகத்தையும் கண்டு களிக்கலாம்.
இந்த பட்டியல் நீண்டு கொண்டே தான் செல்லும். அடுத்த கட்டுரையில் இதே போன்ற பிரபலமாகாத தமிழக மலைவாசஸ்தலங்கள் பற்றி தெரிந்துக் கொள்வோம்!
