மதுரையில் இருந்து விமானம் மூலம் சென்னை செல்வதற்காக சிவகங்கை நாடாளுமன்ற உறுப்பினர் கார்த்தி சிதம்பரம் மதுரை விமான நிலையம் வந்தடைந்தார். இதனை தொடர்ந்து செய்தியாளர்கள் கேள்விகளுக்கு பதில் அளித்தார். அப்போது அவர் கூறுகையில்:
சந்திராயன் 3 விக்ரம் லேண்டர் நிலவில் தரையிறங்குவது குறித்த கேள்விக்கு?
தங்கத்தால் பொறிக்கப்பட வேண்டிய நாள் இந்தியாவின் விஞ்ஞானிகளுக்கும், இஸ்ரோவுக்கு கிடைக்க கூடிய வெற்றி. இந்தியாவே ஆவலோடு எதிர்பார்க்கிறது. அதே போல் நானும் எதிர்பார்க்கிறேன். நம்முடைய விஞ்ஞானிகளின் சிந்தனை, செயல்பாடு, உழைப்பிற்கு கிடைத்த வெற்றி. இந்தியாவே அவர்கள் பின்னால் நின்று வாழ்த்துகிறது.
எடப்பாடி பழனிச்சாமிக்கு புரட்சித்தமிழர் என்று பட்டம் கொடுக்கப்பட்டது குறித்த கேள்விக்கு? ஒரு படம் நடிக்கும் நடிகருக்கு பட்டம் கொடுக்கப்படுகிறது ஒரு பெரிய கட்சித் தலைவருக்கு பட்டம் கொடுப்பது ஒன்றும் தப்பு கிடையாது.
இது தவறு 2010 மன்மோகன்சிங் ஆட்சியிலே மாநிலங்கள் விரும்பினால் நீட்டில் சேர்ந்து கொள்ளலாம். இல்லாவிட்டால் அவர்களே தேர்வு நடத்தலாம் என்பது தான் கிளாஸ், அந்த கிளாசில் கட்டாய நீட்டை காங்கிரஸ் கட்சி கொண்டு வரவே கிடையாது.
இரண்டாவது இப்போது நாம் மாற்ற வேண்டும் என்று விரும்பினால் தமிழக முதல்வர், மாநில முதல்வரும் ஒன்று சேர்ந்து மீட்டிங்கைப் போட்டு தீர்மானம் நிறைவேற்றி மத்திய அரசுக்கு அழுத்தம் கொடுக்க வேண்டும்.
இதை திருப்பி சொல்லாதீர்கள், காங்கிரஸ் கட்சி நீட்டை கொண்டு வரவில்லை, மாநிலங்கள் விரும்பினால் சேர்ந்து கொள்ளலாம் என்று சரத்தை அதில் இருந்தது. சரத்தை மாற்றியது பாஜக அரசாங்கம்.
காவேரி விவகாரத்தில் மேகதாது அணை குறித்த கேள்விக்கு?
பேச்சுவார்த்தை மூலமாக, காவிரி ஆணையத்தின் மூலமாக, நீதிமன்றத்தின் மூலமாகத்தான் தீர்வு காண முடியும். அண்ணன் தம்பிகளுக்கு இடையே வரப்பு மூலமாக பிரச்சனை இருக்கிறது. ரெண்டு மாநிலக்கும் எதிர்பார்ப்பு இருக்கிறது நமக்கும் எதிர்பார்ப்பு இருக்கிறது. ஒரு பரஸ்பரத்தின் மூலமாக ஒரு ஆணையத்தின் மூலமாக கண்டிப்பாக நல்ல தீர்ப்பு வரும் என்று எதிர்பார்க்கப்படுகிறது.
கச்சத்தீவு விவகாரத்தில் திமுக கூட்டணி தான் குறை சொல்கிறார்கள் குறித்த கேள்விக்கு?
பிஞ்சு போய் கதை ரொம்ப ஆயிப்போச்சு, எதிர்காலத்தில் நடக்கப் போவதை பார்ப்போம்.
அதிமுக மாநாடு தேர்தலை குறிவைத்து மாநாடு வைத்துள்ளார்கள் குறித்த கேள்விக்கு?
அதிமுக வலிமையான அரசியல் கட்சி என்பதை நான் இன்று ஏற்றுக்கொள்கிறேன். கிராமங்களில் வேரூன்றிய அரசியல் கட்சி என்பதை மீண்டும் நிரூபித்திருக்கிறார்கள். ஆனால்., அவர்கள் பாஜகவுடன் இருக்கும் வரை தமிழ்நாடு மக்கள் அவர்களை நிராகரித்துக் கொண்டே தான் இருப்பார்கள். பாஜகவுடன் இந்துத்துவ அரசியல் தமிழ்நாடு மக்கள் என்றும் ஏற்றுக்கொள்ள மாட்டார்கள்.
அண்ணாமலை பாதயாத்திரை தாக்கம் குறித்த கேள்விக்கு?
அண்ணாமலை பாதயாத்திரை எந்த ஒரு தாக்கத்தையும் ஏற்படுத்தவில்லை, பத்திரிகையாளர்கள் அவருக்கு பூதக்கண்ணாடியும், மெகா போனும் கொடுத்து அதை ஊதி பெருசாக்கிறிர்களே தவிர மக்கள் மத்தியில் எந்த பிரதிபலிப்பும் இருப்பதாக எனக்கு தெரியவில்லை என்று தெரிவித்தார்.
