மதுரை கலெக்டர் அலுவலகத்தில் தமிழ்நாடு ஜல்லிக்கட்டு இளைஞர் பேரவை மாநில நிறுவன தலைவர் ஜெய கார்த்தி ராமமூர்த்தி அவர்கள், மாவட்ட ஆட்சித் தலைவர் அவர்களிடம் மனு கொடுத்தனர்.
இந்த மனுவில் ஜல்லிக்கட்டு போட்டியில் மாடுபிடி வீரர்கள் உயிரிழந்தால் ரூபாய் 20 லட்சம் நிவாரணம் தர வேண்டும். குடும்பத்தில் ஒருவருக்கு அரசு வேலை வாய்ப்பு வழங்கிட வேண்டும். மாடுபிடி வீரர்களுக்கு காப்பீடு தொகை அரசு செலுத்த வேண்டும்.
ஜல்லிக்கட்டு போட்டியின் போது அதிக காளைகளை அடக்கிய முதல் பரிசு பெறும் வீரர்களுக்கு கல்வி தகுதியின் அடிப்படையில் அரசு வேலை வாய்ப்பு வழங்க வேண்டும். ஜல்லிக்கட்டு காளைகளுக்கு ஆன்லைன் பதிவு முறையை ரத்து செய்ய வேண்டும் என்று மனுவில் கூறியுள்ளார். உடன் சதீஷ்குமார், வினோத் ராஜா, சரவணன், திருமுருகன் மற்றும் பலர் உள்ளனர்.
