உயர் பதவியில் இருப்பவர்கள் இதைப் பெற்றிருக்கின்றனர். இந்த ஊழல் குறித்து உண்மைகள் வெளிவர வேண்டுமென்றால் சி.பி.ஐ விசாரணை நடத்த வேண்டும். இதில் டெண்டர் விட்டதிலும் முறைகேடு நடந்திருக்கிறது. இதேபோல அங்கன்வாடிகள் மூலம் கர்ப்பிணிகள், குழந்தைகளுக்கு வழங்கப்படும் ஊட்டச்சத்து உணவை டெண்டர் விடாமலேயே கடலூரைச் சேர்ந்த தனியார் நிறுவனத்துக்கு அளித்திருக்கின்றனர். இதிலும் பெரும் முறைகேடும் ஊழல்களும் நடந்திருக்கின்றன. புதுவையைச் சேர்ந்த ரௌடிகள், தமிழகப் பகுதிகளுக்குச் சென்று கொலை, கொள்ளை, கட்டப்பஞ்சாயத்தில் ஈடுபடுகின்றனர். ஆனால் முதல்வர் ரங்கசாமி கண்ணை மூடிக்கொண்டிருக்கிறார். என்.ஆர்.காங்கிரஸ், பா.ஜ.க அமைச்சர்கள், எம்.எல்.ஏ-க்கள் சொத்துக்குவிப்பில் கவனம் செலுத்திவருகின்றனர். கோயில் சொத்துகளை எம்.எல்.ஏ-க்கள் வாங்கியிருப்பதாகவும் தகவல் வெளியாகியிருக்கிறது.
