சென்னை: புழல் சிறையில் பெண் கைதி தற்கொலை செய்துகொண்டது குறித்து போலீஸார் விசாரித்து வருகின்றனர். சென்னை புழலில் உள்ளபெண்கள் சிறையில் நூற்றுக்கும் மேற்பட்ட பெண்கள், விசாரணை கைதிகளாகவும், தண்டனைகைதிகளாகவும் அடைக்கப்பட்டுள்ளனர். பல்வேறு கொள்ளை வழக்குகளில் கைது செய்யப்பட்டு, புழல் சிறையில் அடைக்கப்பட்டிருந்த திருப்பூரைச் சேர்ந்த காந்திமதி (52), சிறையில் உள்ள கழிவறையில் நேற்று தூக்கிட்டு தற்கொலை செய்து கொண்டார்.
தகவல் அறிந்து வந்த சிறைக் காவலர்கள், காந்திமதி உடலை மீட்டு பிரேத பரிசோதனைக்காக ஸ்டான்லி அரசு மருத்துவமனைக்கு அனுப்பி வைத்தனர். மேலும், இந்த சம்பவம் குறித்து போலீஸார் வழக்கு பதிவு செய்து விசாரணை நடத்தினர். இலவச சட்ட உதவி மையம் மூலம் காந்திமதிக்கு ஜாமீன் கிடைத்தும், உறவினர்கள் யாரும் உறுதி பத்திரம் எழுதி தர வரவில்லை என கூறப்படுகிறது. இதனால், மனமுடைந்த காந்திமதி தற்கொலை செய்துகொண்டதாக முதல்கட்ட விசாரணையில் தெரியவந்துள்ளது.
இயற்கைக்கு மாறான மரணம் எனில் அதாவது வயது முதிர்வால் மரணம் நோய்வாய்ப்பட்டு மரணம் இதை தவிர ஒரு நபருக்கு எந்தவொரு வகையாலும் மரணம் ஏற்பட்டால் அதுக்கு அரசாங்கமே முழு பொறுப்பு என்று உச்ச நீதிமன்றம் தீர்ப்பு அளித்துள்ளது எனவே சிறையில் தூக்கு போட்டு தற்கொலை ஆக மொத்தத்தில் எந்த வகையான தற்கொலை என்றாலும் அதற்கு சிறை நிர்வாகமே பொறுப்பு சிறை நிர்வாகத்தினரின் கவனக்குறைவும் பணியில் அலட்சியமுமே இதற்கு காரணம் வார்டன் என்றால் காப்பாளர் என்று பொருள் இவரும் சிறை கண்காணிப்பாளர் மற்றும் ஜெயிலர் இந்த தற்கொலைக்கு முழு பொறுப்பு இதை மாநில மனித உரிமைகள் ஆணையத்தில் வழக்காக பதிவு செய்தால் பாதிக்கப்பட்ட குடும்பத்தினருக்கு நஷ்ட ஈடு கிடைப்பதோடு சிறைத்துறையினருக்கு தண்டனையும் கிடைக்கும் மற்றொரு தற்கொலை சம்பவம் நடக்காது இல்லையென்றால் இதுபோன்ற சம்பவங்கள் தொடரும்