துரை வைகோவின் ராஜினாமா வாபஸ்
நேற்று (ஏப்ரல் 19), துரை வைகோ தனது முதன்மைச் செயலாளர் பதவியிலிருந்து விலகுவதாக அறிவித்து, மல்லை சத்யாவின் செயல்பாடுகள் கட்சிக்கு பாதிப்பு ஏற்படுத்துவதாக குற்றம்சாட்டியிருந்தார். இதையடுத்து, 40-க்கும் மேற்பட்ட மாவட்டச் செயலாளர்கள், துரை வைகோவின் ராஜினாமாவை தலைமை ஏற்கக் கூடாது என்று கோரிக்கை வைத்தனர். இன்றைய நிர்வாகக் குழு கூட்டத்தில், பொதுச் செயலாளர் வைகோ, “துரை வைகோவும் மல்லை சத்யாவும் மாறி மாறி குற்றச்சாட்டுகளை மறந்து, கட்சி நலனுக்காக இணைந்து செயல்பட வேண்டும்,” என்று வலியுறுத்தினார். இதை ஏற்று, துரை வைகோ தனது ராஜினாமா கடிதத்தை திரும்பப் பெற்று, முதன்மைச் செயலாளராக தொடர ஒப்புக்கொண்டார்.
