குடவாசல் அருகே பாஜக பிரமுகா் மீது தாக்குதல் நடத்தியது குறித்து விசாரணை மேற்கொண்டு வந்த போலீசார், இந்த சம்பவத்தில் பாஜக மாவட்டத் தலைவர் சனிக்கிழமை கைது செய்து விசாரணை நடத்தி வருகின்றனர்.
திருவாரூா் மாவட்டம், குடவாசல் அருகே காவனூா் பகுதியைச் சோ்ந்தவா் மதுசூதனன் (42). தொழில்பிரிவு முன்னாள் மாவட்டத் தலைவரான இவா் குடவாசல் அருகே ஓகை பகுதியில் ஜெராக்ஸ் கடை நடத்தி வருகிறாா். இந்நிலையில், புதன்கிழமை(மே 8) இரவு கடையில் இருந்தபோது 3 இருசக்கர வாகனங்களில் வந்த 6 போ் கொண்ட கும்பல் மதுசூதனின் தலை, கழுத்து, கை உள்ளிட்ட பகுதிகளில் வெட்டிவிட்டு தப்பினா்.
படுகாயமடைந்த மதுசூதனன் மீட்கப்பட்டு திருவாரூா் அரசு மருத்துவக் கல்லூரி மருத்துவமனையில் சோ்க்கப்பட்டு, பின்னா் தஞ்சாவூரில் தனியாா் மருத்துவமனையில் சோ்க்கப்பட்டுள்ளாா்.
இதுகுறித்து அவருடைய மனைவி ஹரிணி அளித்த புகாரின் பேரில் குடவாசல் போலீசார் வழக்குப் பதிந்து, என்ன காரணத்தால் தாக்குதல் நடைபெற்றிருக்கிறது என விசாரணை மேற்கொண்டனா்.
மேலும், மாவட்ட காவல் கண்காணிப்பாளர் எஸ். ஜெயக்குமார் உத்தரவின்பேரில் நன்னிலம் உட்கோட்ட துணைக்காவல் கண்காணிப்பாளர் சரவணக்குமார் மேற்பார்வையில் தனிப்படை அமைக்கப்பட்டு விசாரணை தீவிரப்படுத்தப்பட்டது.
