கோப்புப் படம்.
புது தில்லி: ஆந்திர திறன் மேம்பாட்டுக் கழக ஊழல் வழக்கில் தெலுங்கு தேசம் கட்சித் தலைவரும் முன்னாள் முதல்வருமான என்.சந்திரபாபு நாயுடுக்கு உயா்நீதிமன்றம் ஜாமீன் வழங்கியதற்கு எதிா்ப்பு தெரிவித்து உச்சநீதிமன்றத்தில் மாநில அரசு மனு தாக்கல் செய்துள்ளது.
ஆந்திர திறன் மேம்பாட்டுக் கழகத்தில் ரூ.300 கோடிக்கு ஊழல் நடைபெற்ாக முன்னாள் முதல்வா் சந்திரபாபு நாயுடுக்கு எதிராக குற்றச்சாட்டு எழுந்தது. இதையடுத்து, மாநில ஊழல் தடுப்புப் பிரிவு அதிகாரிகள் அவரை கடந்த செப்டம்பா் மாதம் கைது செய்தனா். ராஜமகேந்திரவரம் மத்திய சிறையில் நீதிமன்றக் காவலில் அவா் அடைக்கப்பட்டிருந்தாா்.
சந்திரபாபு நாயுடுக்கு கண்புரை அறுவை சிகிச்சை அண்மையில் மேற்கொள்ளப்பட்டது. இதையொட்டி, அவருக்கு 4 வார கால இடைக்கால ஜாமீனை ஆந்திர உயா்நீதிமன்றம் அக். 31-ஆம் தேதி வழங்கியிருந்தது. இந்நிலையில், அதை நிரந்தர ஜாமீனாக மாற்றி உயா்நீதிமன்றம் திங்கள்கிழமை உத்தரவிட்டது.
மேலும், ‘மாநில அரசால் அரசியல் பழிவாங்கும் நடவடிக்கையாக இந்த வழக்குப் பதிவு செய்யப்பட்டுள்ளது என்ற சந்திரபாபுவின் குற்றச்சாட்டை நீதிமன்றம் ஏற்கவில்லை. அதே நேரம், வழக்கு தொடா்பான சாட்சியங்களிடம் அவா் மறைமுகமாக தனது செல்வாக்கை செலுத்தினாா் என்பதற்கான ஆதாரங்கள் நீதிமன்றத்தில் தாக்கல் செய்யப்படவில்லை. வழக்குப் பதிவு செய்யப்பட்டு சுமாா் ஒன்றரை ஆண்டுகளுக்குப் பிறகு அவா் கைது செய்யப்பட்டுள்ளாா்’ என்று உயா்நீதிமன்றம் தெரிவித்தது.
உயா்நீதிமன்றத்தின் உத்தரவுக்கு எதிா்ப்பு தெரிவித்து ஆந்திர மாநில அரசு சாா்பில் உச்சநீதிமன்றத்தில் செவ்வாய்க்கிழமை மனு தாக்கல் செய்யப்பட்டது. அதில், ஜாமீன் மனு மீதான விசாரணையின்போது, உயா்நீதிமன்றம் சிறிய அளவிலான விசாரணையையே நடத்தி அதன் அதிகார வரம்பை மீறியுள்ளது. எனவே, உயா்நீதிமன்ற உத்தரவை ரத்து செய்ய வேண்டும் எனக் குறிப்பிடப்பட்டுள்ளது.
