அதிமுகவில் இருந்து நேற்று முன்னாள் அமைச்சர் செங்கோட்டையன் நீக்கப்பட்டுள்ளார்.
செங்கோட்டையன் அதிமுக கட்சியில் சூப்பர் சீனியர் இவர். மேலும், அடுத்த ஆண்டு, தமிழ்நாட்டில் சட்டமன்றத் தேர்தல் நடக்க உள்ள நிலையில், இவரது நீக்கம் தமிழ்நாட்டு அரசியல் களத்தில் மிக முக்கியமாகப் பார்க்கப்படுகிறது.
பிப்ரவரி 9, 2025:
“உரிய மதிப்பும், மரியாதையும் தரப்படுவதில்லை’ என்கிற செங்கோட்டையனின் தொடர் மனக்குமுறல், கடந்த பிப்ரவரி 9-ம் தேதிதான் வெட்ட வெளிச்சமானது.
அன்று அத்திக்கடவு – அவநாசி திட்டக்குழு சார்பில் முன்னாள் முதல்வர் எடப்பாடி பழனிசாமிக்கு, ஈரோடு மாவட்டம் அன்னூரில் பாராட்டு விழா நடைபெற்றது.
அந்த விழாவில் செங்கோட்டையன் பங்கேற்கவில்லை. அவரது மாவட்டத்தில் நடந்த கட்சியின் முக்கிய விழாவில் செங்கோட்டையன் கலந்துகொள்ளாதது பெரும் சர்ச்சையானது.
இதனையடுத்து, அந்த விழாவில் எம்.ஜி.ஆர் மற்றும் ஜெயலலிதா படங்கள் இடம்பெறவில்லை… அதனால் தான், விழாவில் பங்கேற்கவில்லை என்று செங்கோட்டையன் சர்ச்சைகளுக்குப் பதிலளித்தார்.
செங்கோட்டையனின் இந்தப் பதிலுக்கு ஆதரவாகப் பேசியிருந்தார் டி.டி.வி தினகரன். இந்த ஆதரவு அதிமுகவிற்குள் குழப்பத்தைக் கிளப்பியது.
