நடிகை விஜயலட்சுமி நாம் தமிழர் கட்சியினர் மற்றும் நடிகை கஸ்தூரி ஆகியோரை கடுமையாக விளாசி வெளியிட்டுள்ள வீடியோ சமூக வலைதளங்களில் பெரும் வைரலாகி வருகிறது.
நடிகை விஜயலட்சுமி
நாம் தமிழர் கட்சியின் தலைமை ஒருங்கிணைப்பாளர் சீமான் தன்னை திருமணம் செய்துகொள்வதாக கூறி ஏமாற்றி விட்டதாக நடிகை விஜயலட்சுமி கடந்த சில ஆண்டுகளாக குற்றம்சாட்டி வருகிறார். இதுதொடர்பாக சென்னையில் காவல் ஆணையர் அலுவலகத்தில் புகார் அளித்தார். கடந்த சில மாதங்களுக்கும் முன்பு மீண்டும் சீமான் குறித்து சென்னை காவல் ஆணையர் அலுவகம் மற்றும் வளசரவாக்கம் காவல் நிலையத்தில் புகார் அளித்தார்.
சீமான் தப்பிக்க முடியாது..
ஆனால் சில நாட்களிலேயே அந்த புகாரை திரும்ப பெற்ற விஜயலட்சுமி, பெங்களூருவுக்கே திரும்ப சென்றார். இருப்பினும் பெங்களூருவில் இருந்தப்படியே அடிக்கடி வீடியோ வெளியிட்டு வருகிறார் விஜயலட்சுமி. அதில் தான் தற்கொலை செய்து கொள்ளப்போவதாகவும், தன்னுடைய வாழ்க்கையை சீரழித்த சீமானை சும்மா விடப்போவதில்லை என்றும் தெரிவித்து வருகிறார்.
கஸ்தூரி மீதும் பாய்ச்சல்
மேலும் மீண்டும் சென்னை வர உள்ளதாகவும் சீமானும் மதுரை செல்வமும் தனக்கு செய்த கொடுமைகளை எல்லாம் மீடியா முன்பு பேச உள்ளதாகவும் கூறி வருகிறார். சீமான் தனது செல்வாக்கை பயன்படுத்தி தப்பித்து வருவதாகவும் குற்றம்சாட்டி வருகிறார் விஜயலட்சுமி. இந்நிலையில் நடிகை விஜயலட்சுமி புதிய வீடியோ ஒன்றை வெளியிட்டுள்ளார். அதில் நாம் தமிழர் கட்சி நிர்வாகிகள் மற்றும் நடிகை கஸ்தூரி ஆகியோரை சரமாரியாக விளாசியுள்ளார் விஜயலட்சுமி.
சீமானை நிம்மதியாக வாழ விடமாட்டிங்களா?
விஜயலட்சுமி வெளியிட்டுள்ள வீடியோவில், யூட்யூப் ஊடகத்தில் தன்னை பற்றியும் தனியார் தொலைக்காட்சி நெறியாளர் குறித்தும் நாம் தமிழர் கட்சியினர் பேசியிருப்பதை கடுமையாக கண்டித்துள்ளார். நாம் தமிழர் கட்சியை சேர்ந்தவர்கள், சீமானை நிம்மதியாக வாழ விடமாட்டீர்களா என்றும் கேட்டுள்ளார் விஜயலட்சுமி. நாம் தமிழர் கட்சியின் முக்கிய நிர்வாகிகளான சாட்டை துரை முருகன் மற்றும் மதுரை செல்வம் ஆகியோரையும் அந்த வீடியோவில் கடுமையாக விமர்சித்துள்ளார் விஜயலட்சுமி.
உடம்பு ஊறுதா?
மேலும் நடிகையும் சமூக ஆர்வலருமான கஸ்தூரியையும் கடுமையாக பேசியுள்ளார் விஜயலட்சுமி. சீமானுக்கு ஒன்று என்றால் வந்து விடுவாரா அந்த மாமி என கேட்டு வாய்க்கு வந்தப்படி பேசியுள்ளார். அதோடு வழக்கை வாபஸ் வாங்கிவிட்டேன், இனி விஜயலட்சுமி தேவையில்லை என உடம்பு ஊறுதா என்றும் கேட்டுள்ள அவர், எஃப்ஐஆர் இன்னமும் உள்ளது என்றும் தன்னிடம் பிரச்சனை செய்யும் வரை சீமான் கம்பி எண்ண வேண்டியதுதான் என்றும் கூறியுள்ளார். விஜயலட்சுமியின் இந்த வீடியோ சமூக வலைதளங்களில் பெரும் வைரலாகி வருகிறது.
