ஆவடி: ஆவடி அருகே அயப்பாக்கம் வீட்டு வசதி வாரிய குடியிருப்பைச் சேர்ந்தவர் சரண் என்கிற பச்சைக்கிளி (21). இவர் மீது ஜெ.ஜெ.நகர், மதுரவாயல், திருமுல்லைவாயல் ஆகிய காவல் நிலையங்களில் கொலை உள்ளிட்ட 10 வழக்குகள் நிலுவையில் உள்ளன.
சரண் நேற்று தன் நண்பர் சந்தோஷ்(22) உடன் பூந்தமல்லி நீதிமன்றத்துக்கு சென்று, அங்கு இருவரை சந்தித்து பேசிவிட்டு மீண்டும் பைக்கில் வீடு திரும்பிக் கொண்டிருந்தார். திருவேற்காடு-அம்பத்தூர் சாலையில், அயப்பாக்கம், அபர்ணா நகர் பகுதியில் வந்து கொண்டிருந்தபோது, அவர்களை மர்ம கும்பல் 3 பைக்குகளில் விரட்டியுள்ளது.
