இந்த சம்பவத்துக்கு கண்டனம் தெரிவித்துள்ள தமிழ்நாடு முதலமைச்சர் மு.க.ஸ்டாலின், “இன்று உச்சநீதிமன்றத்துக்குள் தலைமை நீதிபதி மீதான வெட்கக்கேடான நடவடிக்கை, நமது ஜனநாயகத்தின் மிக உயர்ந்த நீதித்துறை அலுவலகத்தின் மீதான தாக்குதலாகும். இது கடுமையான கண்டனத்துக்குரியது.
மாண்புமிகு தலைமை நீதிபதி கருணை, அமைதி மற்றும் பெருந்தன்மையுடன் பதிலளித்த விதம் நீதிமன்றத்தின் வலிமையைக் காட்டுகிறது. ஆனால் அதற்காக நாம் இந்த சம்பவத்தை எளிதாக எடுத்துக்கொள்ள முடியாது.
தாக்குதல் நடத்தியவர் கூறிய காரணம் இன்றும் அடக்குமுறை மற்றும் உயர்வு-தாழ்வு கற்பிக்கும் மனநிலை நம் சமூகத்தில் எவ்வளவு ஆழமாக நீடிக்கிறது என்பதைக் காட்டுகிறது.
