சென்னை: சென்னை கிண்டியில் உள்ள ஆளுநர் மாளிகையில், தமிழ்நாடு ஆளுநர் ஆர்.என்.ரவி "எண்ணித் துணிக" என்ற நிகழ்வில் ஸ்டார்ட் அப் தொழில்முனைவோர் மற்றும் பெருநிறுவன தலைமை நிர்வாகிகளுடன் கலந்துரையாடினார்.
அப்போது பேசிய ஆளுநர் ரவி, "தொழில்முனைவோர்கள் தேசத்தின் சொத்துக்கள் மற்றும் தேசத்தை கட்டியெழுப்புவர்கள். நமது நாடு ஒரு வரலாற்று மாற்றத்தின் உச்சத்தில் இருப்பதால் அந்தந்த நிறுவனங்களில் பணியாற்றுவோர் மிகப்பெரிய உச்சத்தை எட்ட வேண்டும். 400க்கும் குறைவாக இருந்த ஸ்டார்ட் அப் நிறுவனங்கள், இன்று நாட்டில் ஒரு லட்சத்திற்கும் அதிகமாக உள்ளன. தொலைநோக்கு பார்வை கொண்ட தேசிய தலைமையின் கீழ் நமது இளைஞர்கள் பரிணமிப்பதற்கான உகந்த சூழ்நிலைகள் உருவாக்கப்படுகின்றன.
