Last Updated:
குஜராத் முன்னாள் முதல்வர் சங்கர்சிங் வகேலா, தலைமைத் தேர்தல் ஆணையர் ஞானேஷ் குமார் விவகாரத்தில் பிரதமர் மோடியே காரணம் என்றார்.
இந்தியத் தலைமைத் தேர்தல் ஆணையர் ஞானேஷ் குமார் விவகாரத்தில் அவர் பிரச்சனை இல்லை என்றும், பிரதமர் நரேந்திர மோடிதான் பிரச்சனை என்றும் குஜராத் மாநிலத்தின் முன்னாள் முதலமைச்சர் சங்கர்சிங் வகேலா தெரிவித்துள்ளார்.
இந்தியத் தலைமைத் தேர்தல் ஆணையர் ஞானேஷ் குமார், ஆணையத்தில் இருக்கும் மற்ற இரண்டு அதிகாரிகளுடன் கலந்தாலோசிக்காமல் தனிச்சையாக முடிவுகளை எடுத்ததாகவும், எஸ்.ஐ.ஆர். விவகாரங்களில் தனிச்சையாக செயல்பட்டதாகவும், ஆணையத்தில் இருக்கும் மற்ற இரண்டு அதிகாரிகள் குற்றச்சாட்டை முன்வைத்தனர்.
இதனைத் தொடர்ந்து இந்த விவகாரம் இந்தியா முழுவதும் பெரும் பரபரப்பை ஏற்படுத்தியது. மேலும், தலைமைத் தேர்தல் ஆணையர் ஞானேஷ் குமார் பதவி விலக வேண்டும் என எதிர்க்கட்சிகள் குரல் கொடுத்துவருகின்றன. காங்கிரஸ் மற்றும் கரப்பான்பூச்சி ஜனதா தளம் ஆகியவை டெல்லியில் போராட்டத்தையும் முன்னெடுத்துள்ளன.
இந்நிலையில் குஜராத் மாநிலத்தின் முன்னாள் முதலமைச்சரும், முன்னாள் காங்கிரஸ் தலைவருமான சங்கர்சிங் வகேலா, ஏ.என்.ஐ. செய்தி நிறுவனத்திற்கு அளித்த பிரத்யேக பேட்டியில் இந்த விவகாரத்தில் ஞானேஷ் குமார் பிரச்சனை இல்லை எனவும் பிரதமர் நரேந்திர மோடிதான் பிரச்சனை எனவும் தெரிவித்துள்ளார்.
ஏ.என்.ஐ.க்கு அளித்த பேட்டியில் சங்கர்சிங் வகேலா கூறியிருப்பதாவது; “ஞானேஷ் குமார் ஒரு பிரச்சனையல்ல. உண்மையான பிரச்சனை பாரதிய ஜனதா கட்சியினரிடம்தான் உள்ளது. உண்மையான பிரச்சனை இந்தியாவின் பிரதமர்தான். அவர்தான் முழு முதற்காரணம். கடந்த காலத்தில் ஆர்.எஸ்.எஸ் அமைப்போடு தொடர்புடைய எந்தவொரு அதிகாரியும், தேசபக்தியை விட அந்த அமைப்புக்குக் காட்டும் விசுவாசத்திற்கே முன்னுரிமை அளிப்பார்.
அந்த அமைப்பின் பிரச்சாரகராக இருந்த ஒருவரே நாட்டின் பிரதமராகவும் உள்ளார். தேர்தல் ஆணையம், உள்துறைச் செயலாளர் அல்லது ரிசர்வ் வங்கி என யாரிடம் அவர் எதைச் சொன்னாலும், அவர்கள் அதைச் செய்வார்கள். அதை ஏற்றுக்கொள்வார்கள்” இவ்வாறு அவர் தெரிவித்துள்ளார்.
