மூதாட்டியின் புகைப்படத்துடன் கூடிய டி-ஷர்ட் அணிந்து ‘இந்தியா’ கூட்டணி எம்.பி-கள் ஆர்ப்பாட்டம்… என்ன காரணம் | இந்தியா

பிகாரில் வாக்காளர் பட்டியல் சிறப்பு தீவிர திருத்தம் மற்றும் ஹரியானா, மகாராஷ்டிரா மாநில சட்டப்பேரவைத் தேர்தலில் வாக்காளர் பட்டியல் குளறுபடி குறித்து நாடாளுமன்றத்தில் விவாதிக்க அனுமதி மறுக்கப்பட்டதால் நாடாளுமன்ற வளாகத்தில்’ இந்தியா’ கூட்டணி கட்சியினர் நான்கு வாரங்களாக போராட்டத்தில் ஈடுபட்டுள்ளனர். அதன்படி இன்று நாடாளுமன்ற வளாகத்தில் சோனியா காந்தி தலைமையில் ஆர்ப்பாட்டம் நடைபெற்றது. இதில், மல்லிகார்ஜூனா கார்கே, டி.ஆர்.பாலு உட்பட நூற்றுக்கணக்கான எம்.பி.க்கள் கலந்து கொண்டு முழக்கங்களை எழுப்பினர்.