முன்னாள் பிரதமர் தேவ கவுடாவின் பேரனான எம்.பி. பிரஜ்வல், பல பெண்களுடன் ஆபாசமாக இருக்கும் வீடியோக்கள் சமூக வலைதளங்களில் வெளியாகி அதிர்வலைகளை ஏற்படுத்தியது. இந்த விவகாரத்தை விசாரிக்க சிறப்பு விசாரணை குழுவை கர்நாடக அரசு அமைத்தது. அதற்கு முன்பே பிரஜ்வல் ஜெர்மனி தப்பிச்சென்றுவிட்டார். இதனிடையே, பிரஜ்வல் மீது மூன்று வழக்குகள் பதிவு செய்யப்பட்டதை அவருக்கு எதிராக லுக் அவுட் நோட்டீஸ் பிறப்பிக்கப்பட்டது.
இந்நிலையில் பிரஜ்வல் மற்றும் ரேவண்ணாவின் பாலியல் வழக்குகள் குறித்து விசாரிக்கும் சிறப்பு விசாரணை குழுவினர் முதலமைச்சர் சித்தராமையாவுடன் சனிக்கிழமை அன்று ஆலோசனை நடத்தினார். இதனைதொடர்ந்து, பிரஜ்வலுக்கு எதிராக புளூ கார்னர் நோட்டீஸ் பிறப்பிக்க சிபிஐ-யிடம் கோரிக்கை வைக்கப்பட்டது.
இதையும் படிக்க:
கத்திரி வெயில் ஆரம்பமே இப்படியா.. இன்னும் வெயில் அதிகரிக்கும்.. அலெர்ட் கொடுத்த வானிலை மையம்
இதையடுத்து, பிரஜ்வல் ரேவண்ணாவை திரும்ப நாட்டிற்கு அழைத்து வர இன்டர்போலின் உதவியை நாடும் புளூ கார்னர் நோட்டீஸ் பிறப்பிக்கப்பட்டுள்ளதாக கர்நாடக உள்துறை அமைச்சர் பரமேஸ்வரா தெரிவித்தார்.
புளூ கார்னர் நோட்டீஸ் என்பது, ஒரு வழக்கில் தேடப்படும் நபர் அல்லது குற்றங்கள் பற்றிய தகவல்களை, உலகளவில் பகிர்ந்து கொள்ள, சர்வதேச போலீஸான ‘இன்டர்போல்’ பயன்படுத்தும் எச்சரிக்கை அறிவிப்பாகும். பிரஜ்வல் தற்போது எங்கு இருக்கிறார், அவரது நிலை என்ன என்பதை அறிய, இன்டர்போல் உதவி புரியும்.
இதனிடையே, பிரஜ்வல் வழக்கில் பாதிக்கப்பட்டவர்கள் சிறப்பு விசாரணை குழுவின் உதவி எண்ணில் அழைத்து தங்கள் புகாரை தெரிவிக்கலாம் என தெரிவிக்கப்பட்டுள்ளது.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…
