துப்பாக்கி முனையில் கடத்தப்பட்ட இளம்பெண்.. விசாரணையில் ட்விஸ்ட்.. என்ன நடந்தது? | இந்தியா

அதில், இருவர் அங்கிருந்த இளம்பெண் ஒருவரை வலுக்கட்டாயமாக இழுத்துச் செல்ல முற்பட்டுள்ளனர். அங்கிருந்தவர்கள் அடாவடி கும்பலை தடுத்து நிறுத்த முன்வந்தனர். அப்போது, கும்பலில் இருந்த ஒருவர் திடீரென துப்பாக்கியை எடுத்து காட்டியதும், அனைவரும் தலைதெறிக்க ஓடி ஒளிந்தனர். ஆனால், அந்த நபரின் கையில் இருந்தது தீபாவளிக்கு வாங்கிய பொம்மை துப்பாக்கி என்பது தெரிந்ததும், அப்பாவி பெண்ணை காப்பாற்ற ஓடி வந்தனர்.

இருந்த போதும், 7 பேர் கொண்ட கும்பல், இளம்பெண்னை தரதரவென இழுத்துச் சென்றது. தொடர்ந்து, சாலையிலும் இழுத்துச் சென்றவர்கள், தயாராக நிறுத்தி வைத்திருந்த காரில் கடத்திக் கொண்டு விரைந்தனர். இதுகுறித்து போலீசாருக்கு தகவல் கொடுக்கப்பட்டதும், சோதனை சாவடிகளுக்கு அலெர்ட் மெசேஜ் பறந்தது. உடனே சுதாரித்துக் கொண்ட போலீசார், 2 மணி நேரத்திற்குள் இளம்பெண்ணை பாதுகாப்பாக மீட்டதுடன், கடத்தல் கும்பலையும் கூண்டோடு பிடித்தனர்.

விசாரணையில், அவர்கள் கடத்தப்பட்ட இளம் பெண்ணின் கணவர் மற்றும் அவரின் குடும்பத்தினர் என்பது தெரியவந்தது.  திருமணமான சில நாட்களிலேயே கணவன் குடித்துவிட்டு வந்து, மனைவியை அடித்து துன்புறுத்தியுள்ளார். இது தொடர்கதையானதால் வேறு வழியில்லாம் பாதிக்கப்பட்ட பெண் வீட்டை விட்டு வெளியேறியுள்ளார். இந்த சூழலில் தான் தனியாக வசித்து வந்தவரை, கணவர் குடும்பத்தினர் வலுக்கட்டாயமாக கடத்தியது விசாரணையில் தெரியவந்தது.

இது தொடர்பாக கணவர் குடும்பத்தினர் 7 பேரையும் கைது செய்த போலீசார், தொடர்ந்து விசாரணை மேற்கொண்டு வருகின்றனர். கணவரை பிரிந்து சென்ற இளம்பெண்ணை, பொம்மை துப்பாக்கியை காட்டி குடும்பத்தினரே கடத்தியது தொடர்பான சிசிடிவி காட்சி வெளியாகி மத்திய பிரதேசத்தில் பரபரப்பை ஏற்படுத்தியது.