நாடு முழுவதும் இன்றும், நாளையும் வங்கிகள் செயல்படுமா? – ஸ்டிரைக் என்ன ஆனது?

வாரத்திற்கு 5 நாட்கள் மட்டுமே பணி, அனைத்துப் பணியிடங்களும் பணியாளர் தேர்வில் சேர்க்கப்பட வேண்டும் என்பன உள்ளிட்ட கோரிக்கைகளை 9 வங்கி ஊழியர் சங்கங்களை உள்ளடக்கிய கூட்டமைப்பு முன்வைத்திருந்தது. இதுதொடர்பாக, இந்திய வங்கிகள் சங்கத்துடன் நடைபெற்ற பேச்சுவார்த்தை தோல்வி அடைந்த நிலையில், இன்றும் நாளையும் நாடு முழுவதும் வேலைநிறுத்தப் போராட்டத்தில் ஈடுபடப் போவதாக வங்கி ஊழியர்கள் அறிவித்திருந்தனர்.

இதனால், வங்கிகள் இன்று செயல்படுமா என்ற கேள்வி இருந்தது. இந்நிலையில், வங்கி ஊழியர்களின் கோரிக்கைகளை பரிசீலிப்பதாக மத்திய நிதி அமைச்சகம் வாக்குறுதி அளித்திருப்பதாக தகவல் வெளியாகி உள்ளது. இதையடுத்து இன்றும் நாளையும் நடைபெற இருந்த வேலைநிறுத்தப் போராட்டத்தை ஒத்திவைப்பதாக வங்கி ஊழியர் சங்கங்கள் அறிவித்துள்ளன.

வேலைநிறுத்தம் வாபஸ் பெறப்பட்டதால், இந்தியா முழுவதும் வங்கிகள் இன்று, திங்கள், மார்ச் 24 அன்று வழக்கம் போல் செயல்படும். ரிசர்வ் வங்கியின் பேச்சுவார்த்தைக்குட்பட்ட ஆவணச் சட்டத்தின் கீழ் இன்று வங்கி விடுமுறை இல்லை. இதனால், வங்கிக் கிளைகள் எந்தத் தடையும் இல்லாமல் திறந்து செயல்படும்.

Also Read | ஓப்பனிங் இல்லாமல் நம்பர் 3ல் இறங்கியது ஏன்? – சிஎஸ்கே கேப்டன் ருதுராஜ் கெய்க்வாட் சொன்ன காரணம்!

வங்கி ஊழியர்களின் கோரிக்கைகள் தொடர்பாக, ஏப்ரல் 22ஆம் தேதிக்குள் இந்திய வங்கிகள் சங்கம் முடிவெடுக்க வேண்டும் என்றும் சங்கங்கள் நிபந்தனை விதித்துள்ளன. ஆகையால், வரும் இன்று மற்றும் நாளையும் நாடு முழுவதும் வழக்கம் போல் வங்கிகள் இயங்கும்.