வினேஷ் போகத்தும் பஜ்ரங் புனியாவும் காங்கிரஸில் இணைந்தது திட்டமிடப்பட்ட அரசியல் சதிதான் என்று பாஜக தலைவர் பிரிஜ் பூஷண் சிங் தெரிவித்துள்ளார்.
பிரிஜ் பூஷணுக்கு எதிரான, கடந்தாண்டு தொடங்கப்பட்ட மல்யுத்த வீரர்களின் போராட்டத்திற்கு தலைமை தாங்கிய மல்யுத்த வீராங்கனை வினேஷ் போகத், வீரா் பஜ்ரங் புனியா இருவரும் காங்கிரஸ் கட்சியில் வெள்ளிக்கிழமை இணைந்தனா்.
இந்த நிலையில், இருவரும் காங்கிரஸில் இணைந்தது முன்கூட்டியே திட்டமிடப்பட்டதுதான் என்று இந்திய மல்யுத்த சம்மேளனத்தின் முன்னாள் தலைவர் பிரிஜ் பூஷண் சரண் சிங் குற்றம் சாட்டியுள்ளார்.
இதுகுறித்து, அவர் பேசியதாவது,
திட்டமிடப்பட்ட சதியாலான போராட்டம்
சுமார் இரண்டு ஆண்டுகளுக்கு முன்பாக, ஜனவரி 18 ஆம் தேதியில், இந்த இரண்டு விளையாட்டு வீரர்களும் ஒரு சதித்திட்டத்தைத் தொடங்கினர். அந்த நாளிலேயே, இவையனைத்தும் ஒரு அரசியல் சதி என்று நான் கூறியிருந்தேன். இதில் காங்கிரஸ் சம்பந்தப்பட்டிருந்தது; தீபேந்தர் ஹூடாவும், பூபேந்தர் ஹூடாவும் சம்பந்தப்பட்டிருந்தனர். அதற்கான முழு திட்டமிடலுடன்தான் போராட்டம் போன்று நடத்தப்பட்டது.
