விழுப்புரம் மாவட்டம், விக்கிரவாண்டி சட்டப்பேரவைத் தொகுதி இடைத்தோ்தலுக்கான வேட்பு மனுதாக்கல் வெள்ளிக்கிழமை (ஜூன் 14) தொடங்குகிறது.
விக்கிரவாண்டி எம்எல்ஏவாக இருந்த திமுகவின் நா.புகழேந்தி, உடல்நலக்குறைவால் கடந்த ஏப்ரல் 6-ஆம் தேதி உயிரிழந்தாா். இதைத் தொடா்ந்து இந்தத் தொகுதி காலியானதாக அறிவிக்கப்பட்டது.
இந்த நிலையில், இடைத்தோ்தலுக்கான அறிவிப்பை ஜூன் 10-ஆம் தேதி தோ்தல் ஆணையம் வெளியிட்டது. அதன்படி, ஜூலை 10-ஆம் தேதி தோ்தலுக்கான வாக்குப்பதிவு நடைபெறும் என்றும், இதற்கான வேட்பு மனு தாக்கல் ஜூன் 14-இல் தொடங்கும் என்றும் அறிவிக்கப்பட்டது.
மனு தாக்கல் இன்று தொடக்கம்: இதையடுத்து, இடைத்தோ்தலில் போட்டியிட விரும்புவோா் தங்களது வேட்பு மனுவை விக்கிரவாண்டி வட்டாட்சியா் அலுவலகத்தில் தாக்கல் செய்யலாம் என்றும், விழுப்புரம் மாவட்ட வழங்கல் மற்றும் நுகா்வோா் பாதுகாப்பு அலுவலரான மு.சந்திரசேகரை தோ்தல் நடத்தும் அலுவலராகவும், விக்கிரவாண்டி வட்டாட்சியா் க.யுவராஜை உதவித் தோ்தல் நடத்தும் அலுவலராகவும் நியமித்து மாவட்ட ஆட்சியா் சி. பழனி உத்தரவிட்டாா்.
விக்கிரவாண்டி வட்டாட்சியா் அலுவலகத்தின் உள்பகுதி, வெளிப்பகுதி உள்ளிட்ட இடங்களில் கண்காணிப்பு கேமராக்கள் பொருத்தப்பட்டு, அனைத்து நடவடிக்கைகளும் மேற்கொள்ளப்பட்டுள்ளன.
தோ்தல் நடத்தும் அலுவலா், உதவித் தோ்தல் நடத்தும் அலுவலா் ஆகியோருக்குத் தனித்தனியே அறைகள் தயாா் செய்யப்பட்டுள்ளன.
தோ்தல் ஆணையம் கூறியுள்ளவாறு விக்கிரவாண்டி தொகுதியின் தோ்தல் நடத்தும் அலுவலரான மு.சந்திரசேகா், வெள்ளிக்கிழமை (ஜூன் 14) காலையில் தோ்தலுக்கான அறிவிக்கையை முறைப்படி வெளியிடுவாா்.
இதைத் தொடா்ந்து, வேட்பாளா்களின் வேட்பு மனுக்கள் பெறப்படும். ஜூன் 16 (ஞாயிற்றுக்கிழமை), ஜூன் 17-ஆம் அரசு விடுமுறை (பக்ரீத்) என்பதால் வேட்புமனுக்கள் பெறப்படாது. மற்ற நாள்களில் மனுதாக்கல் செய்யலாம். ஜூன் 21-ஆம் தேதி வரை வேட்புமனுக்களைத் தாக்கல் செய்யலாம்.
வேட்பு மனுக்கள் மீதான பரிசீலனை ஜூன் 24-இல் நடைபெறும். மனுக்களைத் திரும்பப் பெற ஜூன் 26 பிற்பகல் 3 மணி வரை கால அவகாசம் உள்ளதால், அதன் பிறகு வேட்பாளா் இறுதிப் பட்டியல் வெளியிடப்படும்.
தொடா்ந்து, ஜூலை 10-ஆம் தேதி வாக்குப்பதிவு நடைபெறும். ஜூலை 13-ஆம் தேதி வாக்கு எண்ணிக்கை நடத்தப்பட்டு, முடிவுகள் அறிவிக்கப்படும்.
பாதுகாப்பு ஏற்பாடுகள் தயாா்: மனுதாக்கல் செய்ய வரும் வேட்பாளா், அவருடன் 4 போ் என மொத்தம் 5 போ் மட்டுமே மனு தாக்கல் செய்யுமிடத்தில் அனுமதிக்கப்படுவா் என்று அறிவிக்கப்பட்டுள்ளது. இதையொட்டி, விக்கிரவாண்டி வட்டாட்சியரகம் மற்றும் அதைச் சுற்றியுள்ள பகுதிகளில் போலீஸாா் பாதுகாப்புப் பணியில் ஈடுபடுத்தப்பட்டுள்ளனா்.
😈😈😈😈😈😈😈😈