மேலும், இதற்கு எதிர்வினையாற்றிய திமுக துணைப் பொதுச்செயலாளர் ஆ.ராசா, “நேற்று வந்தவர் அரசியல் புரிதலின்றி பேசுவது கூட்டணி அரணுக்கு ஏற்புடையதல்ல, திருமாவளவன் இதை ஏற்கக் கூடாது” என்றும் தெரிவித்திருந்தார்.
இருப்பினும், இருகட்சிகளின் தலைமை இந்த விவகாரத்தில் அமைதியாகவே இருக்கிறது. இந்த நிலையில், வி.சி.க-வின் மற்றொரு துணைப் பொதுச்செயலாளர் வன்னி அரசு, துணை முதல்வர் பதவி குறித்து ஆதவ் அர்ஜுனா கூறியது அவரின் தனிப்பட்ட கருத்து என்றும், ஆட்சியிலும் பங்கு, அதிகாரத்திலும் பங்கு என்பதில் எந்த மாற்றுக் கருத்தும் இல்லை என்றும் தெரிவித்திருக்கிறார்.
