சிறப்பு அந்தஸ்து கிடையாது
பிகார் மாநிலம் பாட்னாவில் தனது 80-ஆவது பிறந்த நாளை மத்திய அமைச்சர் ஜித்தன் ராம் மாஞ்சி புதன்கிழமை கொண்டாடினார்.
அப்போது செய்தியாளர்களை சந்தித்து அவர்களின் கேள்விகளுக்கு பதிலளித்து ஜித்தன் ராம் பேசியதாவது:
“சிறப்பு அந்தஸ்து வழங்க வேண்டும் என்ற கோரிக்கை எழுப்புவது பெரிய விஷயம் அல்ல. ஆனால், கடைசி நிதிநிலை அறிக்கையில் மாநிலத்துக்கு எவ்வளவு திட்டங்கள் அறிவிக்கப்பட்டுள்ளன என்பதை பார்க்க வேண்டும். ரூ. 300 கோடிக்கான திட்டங்கள் அறிவிக்கப்பட்டுள்ளன.
பிகார் மீது பிரதமர் மோடி சிறப்பு கவனம் செலுத்தி வருகிறார். எந்த மாநிலத்துக்கும் சிறப்பு அந்தஸ்து வழங்க மாட்டோம் என்று நிதி ஆயோக் ஏற்கெனவே முடிவெடுத்துள்ளது. பிகாரின் வளர்ச்சி எந்த சூழலிலும் நின்றுவிடப் போவதில்லை” எனத் தெரிவித்துள்ளார்.
