படித்தவருக்கு ஓட்டு போடசொன்ன ஆன்லைன் ஆசிரியர் – வேலையிலிருந்து நீக்கம்.

புதுடெல்லி: அடுத்த தேர்தல்களில் “படிக்காத வேட்பாளர்களுக்கு” வாக்களிக்க வேண்டாம் என்று மாணவர்களை வலியுறுத்திய ஆசிரியரை , எட்-டெக் தளமான அனாகாடமி அந்த ஆசிரியரை பணிநீக்கம் செய்யும் முடிவை எடுத்துள்ளது .

நிறுவனத்தின் இணை நிறுவனர் ரோமன் சைனி கூறுகையில், வகுப்பறை “தனிப்பட்ட கருத்துக்களைப் பகிர்ந்து கொள்வதற்கான இடமாக இல்லை” என்பதால், “நடத்தை விதிகளை மீறியதற்காக” கரண் சங்வான் பணிநீக்கம் செய்யப்பட்டார் என்று கூறியுள்ளார்.

ஒரு ஆன்லைன் விரிவுரையில், கரண் சங்வான், குறிப்பாக யாரையும் குறிப்பிடாமல், படிக்காதவர்களை அதிகாரப் பதவிகளில் வைக்க வேண்டாம் என்று தனது மாணவர்களை ஊக்குவித்தார்.

இந்த நடவடிக்கையை டெல்லி முதல்வர் அரவிந்த் கெஜ்ரிவால் விமர்சித்தார், அவர் அகாடமியின் முடிவின் காரணத்தை கேள்வி எழுப்பினார். “படித்தவர்களை வாக்களிக்குமாறு வேண்டுகோள் வைப்பது குற்றமா? படிப்பறிவில்லாத ஒருவர் இருந்தால், தனிப்பட்ட முறையில் நான் அவரை மதிக்கிறேன். ஆனால், மக்கள் பிரதிநிதிகள் படிப்பறிவில்லாதவர்களாக இருக்க முடியாது. இது அறிவியல் மற்றும் தொழில்நுட்ப யுகம். 21 ஆம் நூற்றாண்டில் படிப்பறிவற்ற மக்கள் பிரதிநிதிகளால் நவீன இந்தியாவை உருவாக்க முடியாது. ,” என்று அவர் கூறினார்.