பிரதமர் மோடியுடனான பாட்காஸ்டுக்கு முன் லெக்ஸ் ஃப்ரிட்மேன் 45 மணி நேரம் ஃபாஸ்டிங்.. இதுதான் காரணமா?

“நான் இப்போது உண்ணாவிரதம் இருக்கிறேன். கிட்டத்தட்ட இரண்டு நாட்கள்.. 45 மணி நேரம் ஆகிறது என்றார். எனவே, இந்த உரையாடலை கௌரவிக்கும் விதமாக உண்ணாவிரதம் இருப்பதாக தெரிவித்தார். ஃப்ரிட்மேன் உண்ணாவிரதம் இருப்பதை அறிந்து “மகிழ்ச்சியுடன் ஆச்சரியப்பட்டேன்” என்று பிரதமர் கூறினார்.  அனைத்திற்கும் மேலாக, நீங்கள் எனக்கு மரியாதை செலுத்தும் விதமாக உண்ணாவிரதம் இருப்பது போல் உணர்கிறேன். எனவே, இதைச் செய்ததற்காக உங்களுக்கு எனது நன்றியை தெரிவித்துக் கொள்கிறேன் என்றார்.

புலன்களைக் கூர்மைப்படுத்துதல், மனத் தெளிவை மேம்படுத்துதல் மற்றும் ஒழுக்கத்தை ஏற்படுத்துதல் ஆகியவற்றில் உண்ணாவிரதத்தின் நன்மைகளை பிரதமர் மோடி வலியுறுத்தினார். உண்ணாவிரதம் என்பது உள் மற்றும் வெளிப்புற சுயத்தை சமநிலைக்குக் கொண்டு வருவதற்கான ஒரு சக்திவாய்ந்த கருவியாகும். இது வாழ்க்கையை ஆழமான வழிகளில் வடிவமைக்கிறது. நீங்கள் உண்ணாவிரதம் இருக்கும்போது, ​​உங்கள் ஒவ்வொரு புலன்களும், குறிப்பாக வாசனை, தொடுதல் மற்றும் சுவை, மிகவும் உணர்திறன் கொண்டதாக மாறும்.

Also Read: பண்டைய நாணயங்கள் முதல் ₹ சின்னம் வரை.. இந்திய ரூபாய் எழுதப்பட்ட 10 வழிகள்!

நான் அனுபவித்த மற்றொரு விஷயம் என்னவென்றால், உண்ணாவிரதம் சிந்தனை செயல்முறையை பெரிதும் துரிதப்படுத்தும். மேலும், ஒரு புதிய பார்வையை அளிக்கும். உங்களின் சிந்தனை மேம்படும் என்று அவர் கூறினார். மேலும், உண்ணாவிரதம் “உண்மையில் ஒரு அறிவியல் செயல்முறை” என்றும் பிரதமர் மோடி வலியுறுத்தினார். “நான் நீண்ட நேரம் உண்ணாவிரதம் இருக்கும்போதெல்லாம், என் உடலை முன்கூட்டியே தயார் செய்கிறேன். உண்ணாவிரதத்திற்கு 5 முதல் 7 நாட்களுக்கு முன்பு, நான் பல்வேறு ஆயுர்வேத நடைமுறைகள் மற்றும் யோகா பயிற்சிகளைப் பின்பற்றுகிறேன் என்றார்.