மங்களூர் ரிஃபைனரி அண்ட் பெட்ரோகெமிக்கல்ஸ் லிமிடெட் (MRPL) நிறுவனத்தில் இருந்து மாநிலத்தின் பல்வேறு இடங்களுக்கு செல்லும் டேங்கர்களில் இருந்து ரோடு போட பயன்படும் தார் திருடிய 10 பேரை தட்சிண கன்னடா மாவட்ட போலீஸார் வெள்ளிக்கிழமை கைது செய்தனர்.
MRPL இலிருந்து வரும் டேங்கர்களில் இருந்து சிறிய அளவிலான தாரை ஒவ்வொரு வண்டியிலிருந்தும் திருடி ஒரு முழு டேங்கர் நிறையும் வரை திருடிய பின்னர் அதை கறுப்புச் சந்தையில் விற்று வந்துள்ளார்கள்.
கைது செய்யப்பட்டவர்கள் உடுப்பியைச் சேர்ந்த விஜய் குமார் ஷெட்டி, பண்ட்வால் தாலுகாவில் உள்ள கடேஷ்வல்யா கிராமத்தைச் சேர்ந்த சுதாகர் ஷெட்டி, டேங்கர் டிரைவர்கள் முகமது இம்ரான், எம். அஷ்ரப், எஸ்.ஆர். வீரேந்திரா, மாடசாமி, பிரபாகரன், எம்.ஜி.நவீன் குமார், முகமது நிசார், முகமது சியாபுதீன் ஆவர்.
ஒரு ரகசிய தகவலின் பேரில், சைபர் கிரைம், பொருளாதார குற்றங்கள் மற்றும் போதைப்பொருள் (CEN) போலீசார் கடேஷ்வால்யா கிராமத்தில் ஒரு திறந்த இடத்தில் தார் நிரப்பப்பட்ட டேங்கர்கள் சிறிது நேரம் நிறுத்தப்படும் நடவடிக்கைகளை கண்காணித்தனர். ஏற்றிச் செல்லப்பட்ட டேங்கர்களில் இருந்து தார் ஒரு சிறிய பகுதி வெளியே எடுக்கப்பட்டு காலி டேங்கர்களில் நிரப்பப்படுவதை போலீசார் கண்டுபிடித்தனர்.
இவ்வாறு சுமார் 30 டேங்கர்களில் இருந்து எடுக்கப்படும் பிடுமின் ஒரு முழு டேங்கர் கொள்ளளவு வரை நிரப்பியுள்ளனர்., அது கறுப்பு சந்தையில் சுமார் ₹5 லட்சத்திற்கு விற்கப்படும். தாரை அகற்ற டேங்கர் ஓட்டுனர் ஒவ்வொருவருக்கும் சுமார் ₹3,000 வழங்கப்பட்டது. அகற்றப்பட்ட பிற்றுமின் அளவை ஈடுசெய்ய ஓட்டுநர்கள் லாரி டாங்க்குகளில் தண்ணீரை நிரப்புவார்கள் என்று போலீசார் தெரிவித்தனர்.
விஜய்குமார் ஷெட்டி மற்றும் சுதாகர் ஷெட்டி ஆகியோர் டேங்கர் ஓட்டுனர்களுடன் சேர்ந்து பல நாட்களாக இந்த மோசடியை நடத்தியதாக டிகே போலீஸ் சூப்பிரண்டு சிபி ரிஷ்யந்த் தெரிவித்தார். இந்த மோசடியில் ஈடுபட்டதாகக் கூறப்படும் மற்ற நபர்களை போலீஸார் தேடி வருகின்றனர். பண்ட்வாலில் உள்ள ஒரு சில உள்ளூர் காவலர்கள் தங்கள் அதிகார வரம்பில் மோசடி செயல்பட அனுமதிப்பதில் கடமை தவறியதாகக் கூறப்படும் குற்றத்திற்காக ஒழுக்காற்று நடவடிக்கை எடுக்கப்படும் என்று எஸ்பி கூறினார்.
கைது செய்யப்பட்ட 10 பேர் மீது இந்திய தண்டனைச் சட்டம் பிரிவுகள் 379, 417, 420 மற்றும் 285 மற்றும் பெட்ரோலியச் சட்டம் பிரிவு 23 ஆகியவற்றின் கீழ் தண்டிக்கத்தக்க குற்றங்களுக்காக பண்ட்வால் கிராமிய போலீஸார் தானாக முன்வந்து வழக்குப் பதிவு செய்துள்ளனர். தார் விநியோகம் செய்யும் 6 டேங்கர்கள், தார் நிரப்பும் டேங்கர், எடைக் கருவிகள், தாரை சூடாக்கப் பயன்படும் கேஸ் சிலிண்டர், 9 மொபைல் போன்கள் ஆகியவற்றை போலீஸார் பறிமுதல் செய்தனர்.
