திருவாரூர் மாவட்டம் திருத்துறைப்பூண்டி ஒன்றியம் கொருக்கை ஊராட்சியில் அமைந்துள்ளது மேல கொருக்கை நியாயவிலை கடை கட்டிடம். கடந்த ஜூன் மாதம் 2002-ம் ஆண்டு அப்போதைய சட்டமன்ற உறுப்பினர் கோ.பழனிச்சாமி உள்ளூர் பகுதி மேம்பாட்டு திட்டத்தில் சுமார் ஒரு லட்சத்து 60 ஆயிரம் நிதியில் கட்டப்பட்டது.
தற்போது இந்த நியாய விலை கடையின் கட்டடம் பல இடங்களில் விரிசல்கள் ஏற்பட்டும், சிமெண்ட் காரைகள் பெயர்ந்து மேற்கூரைகளின் கம்பிகள் வெளியே தெரிகின்றன. மழைக்கால பாதிப்பினால் மழைநீர் கசிகிறது என்பதற்காக தார்ப்பாயை கொண்டு மேற்கூரையை மூடி வைத்துள்ளனர்.
