மீண்டு வருவோம்
இங்கிலாந்துக்கு எதிரான தொடரில் முதல் போட்டியில் ஏற்பட்ட தோல்விக்குப் பிறகு சிறப்பாக விளையாடி தொடரைக் கைப்பற்றியது போன்று நியூசிலாந்துக்கு எதிரான தோல்வியிலிருந்து மீண்டு வருவோம் என இந்திய அணியின் கேப்டன் ரோஹித் சர்மா தெரிவித்துள்ளார்.
இது தொடர்பாக போட்டி நிறைவடைந்த பிறகு அவர் பேசியதாவது: சில நேரங்களில் இதுபோன்ற ஆட்டங்களை கடந்து வர வேண்டியிருக்கும். தோல்வியிலிருந்து முன்னேறி இந்திய அணி முன்னோக்கிச் செல்லும். இங்கிலாந்துக்கு எதிரான டெஸ்ட் தொடரின்போது, இந்திய அணி முதல் போட்டியில் தோல்வியடைந்தது. அதன் பின், தொடர்ச்சியாக நான்கு போட்டிகளில் வெற்றி பெற்று டெஸ்ட் தொடரைக் கைப்பற்றினோம்.
