சென்னை/ஆண்டிபட்டி: தமிழக சுகாதரத்துறை வெளியிட்டு உள்ள செய்திக்குறிப்பில் கூறியிருப்பதாவது: தேனி மருத்துவக் கல்லூரி மருத்துவமனை டீன் மருத்துவர் மீனாட்சிசுந்தரம், மருத்துவமனையில் உள்ள உணவக உரிமையாளர் மாரிசாமியிடம் லஞ்சம் கேட்டு பெற்றதாக ஊடகத்தில் செய்தி வெளியானது.
அதன் அடிப்படையில், தேனி மாவட்ட மருத்துவம் மற்றும் ஊரக நலப்பணிகள் இணை இயக்குநரை நேரில் சென்று உணவக உரிமையாளரிடம் ஊடகத்தில் வெளியான செய்தி உண்மைதானா என்று விசாரணை நடத்த சுகாதாரத்துறை அமைச்சர் மா.சுப்பிரமணியன் உத்தரவிட்டார்.
